মনিপুরগী য়েলহৌ ঈশৈ অমা ওইরিবা, “খুনুং ঈশৈ” হায়না খঙনরিবা শৈহেক মখল অসীবু য়োকখৎনবা অমদি তুংগী মীরোলদা খঙহন্ননবা পান্দমদা এম বি কালা সঙ্গিত সঙ্গম বিদ্যালায়া, ৱাবগাই তেরা উরকনা শীন্দুনা নুমিৎ ১০ নি চূপ্না চত্থরকখিবা খুনুং ঈশৈগী ৱার্কসোপ কম প্রদক্সন অমা চৎলিবা থা অসিগী ১২ দা মপূঙ ফানা লোইশিনখ্রে।
চিফ মিনিষ্টর্স আর্টিষ্টশিংগী তেঙবাং (সি এম এ টি), ২০২৫-২৬ স্কিমগী মখাদা মনিপুর লৈঙাক্কি তেঙবাংগা লোয়ননা থৌরম অদূ ককচীং দিষ্ট্রিক্টকি মনূঙ চন্না লৈবা ৱাবগাই য়াঙবী কম্যুনিটি হোলদা পাঙথোকখিবনি।
লোইশিনবগী থৌরমদা থবক্তগী পোত্থারবা ওজা এম রাজেন্দ্রোনা অথোয়বা মীথূংলেন ওইনা শরূক য়াখি। এক্স প্রমুখ কে জয়েন্তনা থৌরম মপূ,অদুগা সোসিয়ল ৱার্কর এলাংবম কুল্লধজা না অখন্নবা মীথূঙ ওইনা শরূক য়াখি। এম বি কালা সঙ্গিত সঙ্গম বিদ্যালায়াগী সেক্রেটরি এম সুনোলাতানা থৌরম অদূগী নুংগী ওইবা ৱারোলশিং ফোঙদোকখি।