মনিপুর লৈঙাক্কি মখাদা লৈরিবা হোস্পিটালশিং, মহৈ লোয়শঙ অমদি অতৈ ইন্সটিট্যুসন পূম্নমক শিথরক্লি অদূগা অমরোমদনা লন্নাই মীওইশিংনা চল্লাইবা ইন্সটিট্যুসনশিংনা ফীভম অসুম অসুম ফগৎলক্লিবা অসিনা তাকপদি লৈঙাক্কি মপী-মপা লৈত্রে হায়বনি। ঐখোয়গী মীয়াম অসী হৌখিবা চহী অহূম মখায়রোমগী মতমসিদা খুদোংচাদবা কয়া মায়োক্নদুনা, খম থেংনা অৱাবা হায়বদু থেংনদুনা লাক্লি।অনৌবা অহোংবা অমা পুরক্নবা মায়কৈদা ঐখোয় চঙশীনমিন্নরসি হায়না পোলিটিকেল এক্টিভিষ্ট সাপমচা কংলৈপালনা ফোঙদোকখ্রে।
ঙরাং চঙাঙ্গৈ উচেক্কোন্দা লৈবা কোমেট স্কুলদা পাঙথোকখিবা লময়ানবা হিজম ইরাবতকী ১৩০ শুবা মপোক কুম্মোন থৌরম পাঙথোকপদা ৱা ঙাঙখিবা কংলৈপালনা ৱাফম অসী ফোঙদোক্লদুনা হায়, লৈঙাক্কি এজেন্সি অমসুং ইন্সটিট্যুট পূম্নমক শিথরক্লিবসি দাইত্য য়াওজদ্রবা, মশা মশক খঙজদ্রবা লৈঙাক অমনি হায়বসি ময়েক শেংলবনি।
ঙসীগী হৌরক্লিবা নহারোলশিংনা ঈশাগী দাইত্য খঙনা অনৌবা অওনবা খুন্নাই অমগীদমক শেম-শারসি। মদূ নত্রবদি ঐখোয় পূন্না অৱাবা ঈপাক্তা লূপমিন্নদুনা লৈখ্রগনি হায়বা ৱাফম মহাক্না থমখি।
