হৌখিবা কুমশিং ২০২৩ গী মে অহুমদগী হৌরকখিবা মৈতৈ-কুকি কম্যুনিটি অনীগী মরক্তা থোক্লিবা হীঙশাগী ঈরাং অসিদা তোঙান তোঙানবা মফমশিংদা চঙজফম লৌদুনা লৈরিবা ইন্টর্নেল্লি দিসপ্লেস পার্সন্স (আই দি পি)শিং অসী থবক শুফম-নোম্ফম অমত্তা মথোঙ-মরম খঙদ্রে, অঙাঙশিং লাইরিক লাইশু তমহন্নবা থৌরাংশিং লৌখৎলি হায়না লৈঙাক্না ফোঙদোকচরবসু মওং -মরিল তাবা থৌশিল ওইদবনা পেন্নিংঙাই ওইদে হায়বা ৱাফম মনিপুর ঈমা আই দি পি মনিপুরগী চিফ কনভিনর সগোলশেম কুল্লা মঙাং না ফোঙদোকখ্রে।
লৈঙাক অসিনা আই দি পিশিং অসিগী মতম শাংলক্লবা অৱাবা কয়া অসিগী য়েংবিদুনা মশা-মশাগী মহৌশাগী লৈফমশিংদা হঞ্জিলহনবা য়াননবা থৌরাং লৌখৎপিরো, ঈমূঙ অমদগী মীওই অমমম মশা-মশাগা চানগদবা মওং য়েংলগা লৈঙাক্কি থবক অমমম পীবীয়ু, মমাঙগী চিফ মিনিষ্টর এন বিরেননা লূপা লাখ অমমম আই দি পিশিংগী ঈমূঙ খূদীংমক্তা পীননবা ওর্দর থোকখিবা অদুগা মরী লৈননা কম্পেন্সেসনগী শেনফম পীবিয়ু হায়না ঙরাং ইম্ফালগী মেজোরখুন্দা লৈরিবা মনিপুর প্রেস ক্লবতা পাঙথোকখিবা পাউগী মীফম অমদা কুল্ল না ফোঙদোকখি।
মমাঙগী চিফ মিনিষ্টরগী মতমদা লৈঙাক্না ওর্দর থোক্তুনা তাঙ্কক অহূম্লক থোক্না ইন্সেন্টিব ওইনা লূপা লাখ অমমমগী শেনফমদু ঈমূঙ খূদীংদা পীবা হৌরমখি। অহানবা অমসুং অনীশুবা ইন্সটোলমেন্ট গী শেনফম লূপা লীশীং ৪৫ ফংনখিবা আই দি পিশিং য়াওরে। অয়াম্বা আই দি পিশিংদি শেনফম অসী ফংনদ্রি। অহুমশুবা ইন্সটোলমেন্ট দা লূপা লীশীং ৫৫ পীগদবনি অদুবু হৌজিকফাওবা ফংনদ্রি হায়না মহাক্না পেন্দবা ফোঙদোকখি।
You may also like
-
এম এল এগী ইজ্জৎ শোকপা ৱাফম থম্লকপগী মায়োক্তা মীয়াম্না পেন্দবা ফোঙদোকখ্রে
-
ৱার্ল্ড রেবিজ ডে থৌরম পাঙথোকখ্রে
-
সি ই সি গী মায়োক্তা কংগ্ৰেসকি খোঙজঙ কন্সীনখ্রে, ইফিজি মৈ থাদুনা প্রোটেষ্ট তৌখ্রে
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে
-
সঙাই ইথনিক পার্কতা ৱার্ল্ড টুরিজম ডে থৌরম পাঙথোকখ্রে