মনিপুর ষ্টেট আর্কেওলোজি লোয়শঙ, ইম্ফালনা ষ্টেট লৈঙাক্কি আর্ট এন্দ কলচরগী মীৎয়েং মখাদা কংলাদা নুমিৎ ১০ নি চত্থগদবা ক্লিনলিনেস দ্রাইভ অমসুং এৱ্যের্নেস প্রোগ্ৰাম মনুংচন্না ঙরাংদগী ক্লীন হিমালয়া হীল সিটিজ ইনিসিয়েটিব (সি ঐচ ঐচ সি আই) গী কেম্পেন হৌদোকখ্রে।
হিষ্টোরিকেল সাইটশিংদা শীৎ-শেংবগী থবক চত্থগদবা প্রোগ্ৰাম অদূ মনিপুর লৈঙাক্কি আর্ট এন্দ কলচরগী সেক্রেটরি নাউরেম প্রবিন্না হৌদোকখি। আই এম সিগী ম্যুনিসিপাল কম্মিস্নার এম নন্দোনা, হৌদোকপা থৌরম অদুদা, প্রসিদেন্ট ওইনা শরুক য়াখি। অথোয়বা মীথূঙলেনগী ৱারোলদা নাউরেম প্রবিন্না হায়, মনিপুর অসী ঈপা-ঈপূশিংনা, য়াম্না ঙল্লিঙৈ মতমদগী চৈরাওবা য়াওনা অতৈ থৌরমশিংদা য়াম্না লূ-নান্না থম্বগী চৎনবী অমা লৈজরকখি। হৌরক্লিবা নহাশিংদসু লূ-নানবগী হৈনবি লৈহন্নবা ঐখোয়না হোৎনগদবনি হায়খি।
কংলা অসী টুরিষ্ট দেষ্টিনেসন অমা ওইবনা চহী খূদীঙগী মপান লৈবাকশিংদগী লমকোয়বা লাকপশিংনা য়েংলরিবা মফম অমা ওইবনিনা য়াম্না লূ-নান্না থম্বা মথৌ তারি। মরম অসিনা কেম্পেন অসি হৌদোকপনি হায়খি। থৌরমদুদা সেনিটেসন ৱার্করশিংদা টি-সার্ট অমমমসু খূদোল তমখি।
