কেম্পেন ফোর জষ্ট এন্দ ফ্যের দিলিমিটেসন (জে এফ দি) গী ৱিমেন ৱিংনা লুচিংদুনা ঙরাং মশীং য়াম্লবা মীয়াম্না চিফ মিনিষ্টর উননবা খোঙচৎ অমগা লোয়ননা লাকখিবদা ইম্ফালগী কোনুং মমাঙদা লৈরিবা ট্রাফিক আইলেন্দ মনাক্তা মশীং য়াম্লবা সেক্যুরিটি ফোর্সনা থৎপদগী মখা তানা চঙশীনবা ঙমখিদ্রে। চিফ মিনিষ্টর উননবগী অয়াবা পীরক্তবদগী খোয়শাওনরবা নূপী ময়াম অদূ ট্রাফিক আইলেন্দ মনাক্তা খোঙজঙ মখা চত্থদুনা, ফমজীন্দুনা লৈখি। মখোয়না চিফ মিনিষ্টরগী বাংলোদা নম্ফূদা চঙশীন্নবা হোৎনরকপদগী সেক্যুরিটি ফোর্সনা টিয়র গ্যাস কাপ্তুনা তানখাইখি।
ইম্ফাল ইষ্ট দিষ্ট্রিক্টকি সোইবম লৈকায় মায়কৈরোমদগী চণশীল্লকখিবা মীয়াম অদূগী মরক্তা য়াওরকখিবী জে এফ দি ৱিমেন ৱিংগী কনভিনর শৌগ্ৰাকপম সুমতিবালা না পাউমীশিংদা হায়, মনিপুরদা সেন্সস পাঙথোক্ট্রিঙৈ মমাঙদা এন আর সি হান্না অপদেট তৌগদবনি, মদূ নত্রবদি সেন্সস পাঙথোকপা য়াখিরোই, কুমশিং ১৯৫১ দা বেজ ইয়র ওইরগা এন আর সি অপদেট তৌগদবনি, মনিপুর পোপ্যুলেসন কম্মিসনগী মপাঙ্গল কনখৎহন্দুনা থবক তৌহল্লু হায়বা দিমান্দশিং য়াওবা মেমোরেন্দম অমা মমাঙদা চিফ মিনিষ্টরদা পীশীনখিবা অদু করম্বা থাক্তা লৈরিবগে, করি থৌরাং লৌখৎনবা হোৎনরবগে হায়বদু খঙহন্নবা চিফ মিনিষ্টর গা উননবা লাকখিবনি অদুবু উনগে য়াদ্রিবসি চিংনবা পোকই, সেন্সস পাঙথোক্তবা য়াদে, এন আর সি তৌরোই হায়বা মাল্লি হায়না কনভিনর অদুনা ফোঙদোকখি।
You may also like
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি
-
এটি গী থৌমী ১৫০ হেনবনা ঈ দান তৌখ্রে
-
নাগাশিংনা ফাগৎপিয়ু হায়না খূৎ থিন্দুনা লাকখিবা পুলিস কন্সটেবলগী মথক্তা ইনক্বারি চত্থবা হৌখ্রে, সস্পেন্দ তৌখ্রে