নোংমা কাংদনা লমদমসিদা মীচম-মীয়ামদা এট্টেক তৌদুনা মী হাৎলিবা মিল্লিটেন্টশিং অসী মতম চূপ্পগী ওইনা মাঙহন্নবা, লাকশীন্ননবা অকনবা য়োৎকি খূৎ অমা মথৌ তারি হায়না মনিপুরগী হান্নগী চিফ মিনিষ্টর নোংথোম্বম বিরেননা ফোঙদোকখ্রে।
ঊখ্রূল দিষ্ট্রিক্ট কি ন্যু হেবন এরিয়াদা হৌখিবা নবেম্বর ১৩ দা কুকি খূৎলায় পায়বা মিলিটেন্টশিংনা এম্বুস তৌদুনা তমথীনা হাৎখিবা নাগা মীচম ৪ থম্লকখিবা জেনিমস কি মোরচুৱারিদা বিরেন্না ঙরাং চত্তুনা য়েংশিনখিবগা লোয়ননা ৱাফম অসী ফোঙদোকখিবনি। হান্নগী চিফ মিনিষ্টর অসিনা, লৈখিদ্রবা মীওই মরি অদুগী অৱাবা মায়োক্নরবা ঈমূংগী মীওইশিংদা শেলগী তেঙবাং সু পীখি। সেক্যুরিটি ফোর্সনা ঙাইহাক লৈতনা পেট্রোল্লিং চৎপগী মথক্তা মফম অদূমক্তদা লেঙদনা সেক্যুরিটি পার্সনেলশিংগী পোষ্ট হাংদোক্তুনা থম্লিবনি হায়রগা নোংমা কাংদনা মীচম হাৎহনগদবা yওইরবদি সেক্যুরিগী মথৌ তাদে হায়খি।
মী অশীবা, অশোকপা মশীঙ থীনবগীদমক লৈবা ওইরবদি মনিপুরদগী হনখিবনা হেন্না ফৈ হায়না বিরেন্না য়াম্না কন্না পেন্দবা ফোঙদোকখি। লৈঙাক্না হেন্না অকনবা থৌরাং লৌখৎফম থোকই হায়খি।
