গ্বালতাবি-খামেনলোক রিজার্ব ফোরেষ্ট ওইনা লৈরিবা সনাশাবীগী মমাঙথংবা চীংথক্তা কুকিশিংনা চীঙমায় কক্লগা লম্বী শেম্বা হৌরক্লে। থৌওং অসী লৈঙাক্না খূদক্তা মীৎয়েং চঙবীয়ু, লম্বী শেম্লিবা অসী থিংবিয়ু হায়না য়ূথ য়ুনাইটেদ ভল্লন্টরি ওর্গানাইজেসন (য়ুবা) না ফোঙদোরকপগা লোয়ননা লৈঙাক্কি পূক্নিং চিংশিল্লক্লি।
য়াইঙংপোকপিদা লৈবা কম্যুনিটি হোলদা পাঙথোকখিবা পাউগী মীফম অমদা য়ুবাগী কনভিনর থাংজম লুৱাংচানা হায়, কুকি কাঙবু অমনা আইনগী ৱাংমদা সনাশাবী মমাঙ চীঙদা লম্বী শেমজীল্লক্লি। মসীদা চীঙমায়গী শরূক তৌখায়বা-তেমথোকপা কয়া তৌদুনা উমং-ৱামংগী শরূকশিং মাঙহল্লক্লবসি ফোরেষ্ট দিপার্টমেন্ট কি মকোকথোংবা ওফিসিয়েল শিং অমদি লৈঙাক্কী মরী লৈনবা অথোরিটিনা অথূবা মতমদা মীৎয়েং চঙদুনা অথীংবা থম্বিয়ু হায়বা ৱাফম মহাক্না থমখি।
কুকিশিংনা কোকথোকখ্রবা মফম অদুদা লৈঙাক্না অমুক হন্না উ-ৱা থাজিনবিয়ু, মদুদা লৈকায়গী মীয়াম্নসু মতেং পাংজগে হায়খি। লম্বী অসী শেম্বা লোইখিবা তারবদি কুকি মিলিটেন্টশিংনা অমুক হন্না এট্টেক চত্থরকপা য়াবগী অকিবা লৈ। হৌখিবা সেপ্তেম্বর ২৬ তসু মসীগী মতাঙদা অইবা ৱাকৎ পীদুনা খঙহনবা লৈখ্রবনি হায়না মহাক্না ফোঙদোকখি।
You may also like
-
মনিপুর কন্সি হায়রবদি হৌজিকসু মতম লৈরি, লৈঙাকলোয়শিং চোংথোকপিরক উ: তোম্বা
-
চাইল্ড প্রোটেক্সনগী এৱ্যের্নেস প্রোগ্ৰাম পাঙথোকখ্রে
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা