ঙরাং চিফ মিনিষ্টর য়ূম্নাম খেমচান্দনা থৌবাল দিষ্ট্রিক্টকি মনূঙ চন্না হৈরোক পার্ট-টু, ময়ায় লৈকায়দা লৈবা, হন্দক্তা লাইবক থীবা থৌদোক অমদা লৈখিদবা লাইশ্রম রাকেশকি য়ূমদা চত্তুনা, মহাক্কি অৱাবা মায়োক্নহৌরিবা ঈমূঙ-মনূঙগী মীওই শিংগা উনখ্রে, মখোয়গী অৱাবদা পূন্না শরূক য়ামিন্নখ্রে।
মহাক অমসুং মনিপুর লৈঙাক্না রাকেশকি ঈমূঙনা মায়োক্নহৌরিবা অৱাবদা থম্মোয় শেংনা শরূক য়ারি, লোয়ননা অৱাবা মায়োক্নহৌরবা ঈমূঙ অদুদা লৈঙাক্কি মায়কৈদগী পীবা য়াবা মতেঙ মখল খূদীংমক পীননবা হোৎনগনি হায়বা ৱাফম থমখি। মদূগী তুংদা চিফ মিনিষ্টরনা শঙ্গাইয়ূম্ফম দা চত্তুনা মফম অদূগী কম্যুনিটি হোলদা মীয়ামগা উনদুনা থৌদোক অদূগী মতাঙদা ৱাফম কয়া খন্নরমখি।
লৈখিদ্রবগী মফমদা ঈকায়খুম্নবা উত্তুনা চিফ মিনিষ্টরনা মীয়ামগা লোয়ননা মিনিট অমা তূমিন্না লেপখি। লৈখিদ্রবগী থৱায়না মপূ মহাক্কি খূয়াখাদা ঈংনা, নুঙাইনা লৈরুবা ওইরসনু হায়না মীয়াম্না থৌনিজখি। য়েলহৌঙৈদগী মচীন-মনাও ওইনা লৈমিন্নরক্লবা, ঈগী মরী ওইরিবা কাঙলূপ অনীগী মরক্তা লৈনরিবা নুংশিনবগী মরী অসি হেন্না চেৎশিলহন্নবা ঐখোয় খূদিংমক্না হোৎনমিন্নসি হায়না মীয়ামদা চিফ মিনিস্তরনা আপিল তৌখি। মহাক্কি খোঙচৎ অদুদা এম এল এশিং – থোকচোম রাধেস্যাম অমসুং ওক্রম সুর্জকুমারসু শরূক য়াখি।
You may also like
-
খোংবান সুনুলোককি মীহাৎ য়ানিংদবা উত্তুনা ৱাকৎ মীফমশিং পাঙথোক্নখ্রে
-
আইন কায়না লম্বী শেমজীল্লক্লে, লৈঙাক্না থিংবিয়ু: ওর্গানাইজেসন
-
মনিপুর কন্সি হায়রবদি হৌজিকসু মতম লৈরি, লৈঙাকলোয়শিং চোংথোকপিরক উ: তোম্বা
-
চাইল্ড প্রোটেক্সনগী এৱ্যের্নেস প্রোগ্ৰাম পাঙথোকখ্রে
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি