মথঙ চহী ২০২৭ কি অঙনবা শরুক্তা ষ্টেট এসেমব্লিগী মীখল পাঙথোক্কদৌরিবা মনিপুর য়াওনা ষ্টেট মঙাগী চিফ সেক্রেটরি অমদি চিফ ইলেক্টোরেল ওফিসার (সি ই ও) শিংদা, লাক্লিবা নবেম্বর থা ফাওবগী মনূঙদা মীখলগা মরী লৈনবা ওফিসার পূম্নমক মশা-মশানা হৌজিক লৈরিবা পোষ্টিং মফমশিংদগী অতোপ্পা মফমশিংদা ট্রান্সফর তৌননবা ইলেক্সন কম্মিসন ওফ ইন্দিয়া (ই সি আই) না খঙহল্লকখ্রে।
মথঙ চহীগী অঙনবা শরুক্তা এসেমব্লি মীখল পাঙথোক্কদৌরিবা মনিপুর, উত্তর প্রদেস, পঞ্জাব, উত্তরখন্দ অমসুং গোৱাগী চিফ সেক্রেটরি অমদি সি ই ওশিংদা ঙরাং চেরোল অমা থারক্তুনা ৱাফম অসি খঙহল্লকখিবনি। মরূ ওইনা ই আর ও, এদিএম, এসদিএম, তেহসিলদার, বিদিওশিং অমদি দিবিজনেল এন্দ ম্যুনিসিপাল কম্মিস্নার খূদীংমক মাগী মাগী হৌজিক লৈরিবা পোষ্টিং মফমশিংদগী অতোপ্পা মফমশিংদা ট্রান্সফর তৌগদবনি হায়না খঙহল্লকখিবনি।
মশাগী হোম দিষ্ট্রিক্টতা পোষ্টিং তাবগী মথক্তা মফমদুদা চহী অহুম লেঙদনা থবক তৌরক্লবা ওফিসারশিংদি তঙায়ফদনা অতোপ্পা দিষ্ট্রিক্ট অমদা ট্রান্সফর তৌগদবনি হায়না খঙহল্লকখিবনি। পুলিস ওফিসারশিংগী ওইনা রেঞ্জ এদিজি, আই জি, এদ্দিস্নেল আই জি, কম্মিস্নার ওফ পুলিস, দি আই জি, এদ্দিস্নেল এস পি অমদি ষ্টেট আর্ম পুলিসকি কম্মান্দেন্টশিং য়াওরি।
You may also like
-
মেরা হৌ চোংবা থৌরম্না লমদমসিদা তঙদূ লৈতাবা পুরক্লসনু : নিংথৌ সনাজাউবা
-
সি এম খেমচান্দ না সূ দেজিগনেটেদ কেম্প তা হকথেঙননা চত্তুনা য়েংশিনবা মনিপুরগী অহানবা চিফ মিনিষ্টর ওইরে
-
অনাল ফূরূপকি লৌরোক ফেষ্টিবেল মপুঙফানা পাঙথোকখ্রে
-
পূং ২৪ দা মনিপুরদা মীওই ১৪ পোজিটিব ওইখ্রে
-
এম এল এ ৫০ না থম্মোয় শেংদবদগী মনিপুরগী মীয়াম্না ৱারিবনি:তোম্বা