মনিপুরদা মৈহৌরোলদগী হৌনা চৎনদুনা লাক্লিবা, নোংদা লাইরেল পাখঙবগী মতমদগী চৎনরক্লিবা, চীঙমী-তম্মী অনীগী মরক্তা অমত্তা ওইনা পূন্দুনা হরাও তরাম্না পাঙথোকমিন্নবা মেরা হৌ চোংবা থৌরম অদূ কূমশীগী চহীগী ওইনা ঙরাং ইম্ফালগী সনা কোনুংদা মপূঙ ফানা পাঙথোকখ্রে।
চীঙবুরোই-তম্বুরোই অনীগী মরক্তা নুংশি-চানবা মতৌগা লোয়ননা পোৎ লান্নবগী থৌরমসু পাঙথোকখি। য়েলহৌমী ওইরিবা চীঙগী খুল্লাকপশিং য়াওনা চীঙমী-তম্মীশিং শরূক য়াদুনা পাঙথোকখিবা থৌরমদুগী মনূং চন্না সনা কোনুংদগী কংলা ফাওবা মীয়ামগী খোঙচৎ অমসু পূন্না চৎমিন্নখি। কংলাদা লাই-তীনগা মরী লৈনবা থৌরমশিং পাঙথোক্লবা মতূঙদা সনা কোনুংদা অমূক হল্লকখি।
থৌরমদুদা নিংথৌ সনাজাউবনা মীয়ামগী পূক্নীং চিংশিল্লদুনা হায়, মনিপুরগী হৌজিক ওইরিবা লো এন্দ ওর্দরগী ফীভম, মীয়াম মরক্তা থোক্লিবা হীঙশা অসীনা মরম ওইরগা মেরা হৌ চোংবা থৌরম অসী মহৌশাগুম কা হেন্না ধূম-ধামদা পাঙথোকপা অদুমক্তি ওইদ্রে। তৌদবা য়াদবা লাইগী থৌরমশিং পূন্না পাঙথোকমিন্নবা, চীঙবুরোই-তম্বুরোয় অনীগী মরক্তা অথেনপোৎ লান্নদুনা নুংশি-চান্নবগী মরী হেন্না চেৎশীলহন্নবা হোৎনবগী তঙায়ফদবা থৌরমশিংদি অদুম্মক কায়দনা পাঙথোক্লি। চীঙ-তম অনীমক্তগী শরূক য়াবা লাকপা পূম্নমকপু তরাম্না ওকচরি হায়না নিংথৌনা মীয়াম্বু মীয়াম্বু ওকখি।
মেরা হৌ চোংবা থৌরম্না লাকপদা ঈরমদম অসিদা মহৌশাগী নুংশি-চান্নবা, ঈং-তপ্পা শক্তম অদূ হঞ্জিল্লকপা ওইরসনু হায়না মহাক্না মীয়ামদা ফোঙদোকখি।
You may also like
-
সি এম খেমচান্দ না সূ দেজিগনেটেদ কেম্প তা হকথেঙননা চত্তুনা য়েংশিনবা মনিপুরগী অহানবা চিফ মিনিষ্টর ওইরে
-
অনাল ফূরূপকি লৌরোক ফেষ্টিবেল মপুঙফানা পাঙথোকখ্রে
-
পূং ২৪ দা মনিপুরদা মীওই ১৪ পোজিটিব ওইখ্রে
-
এম এল এ ৫০ না থম্মোয় শেংদবদগী মনিপুরগী মীয়াম্না ৱারিবনি:তোম্বা
-
মরিং কম্যুনিটি শগী অৱাৎ-অপা য়েংশিনগনি হায়বগী থাজবা সিএম্না পীখ্রে