ঙরাং চিফ মিনিষ্টর য়ূম্নাম খেমচান্দনা তেংনৌপল দিষ্ট্রিক্টকী মনূঙচন্না মচী ব্লোক্কি তোঙান তোঙানবা খুঙ্গংশিংদা লৈরিবা চাওখৎ-থৌরাংগা মরী লৈনবা ইনফ্রাষ্ট্রকচরশিংগী ফীভম ফগৎহল্লগনি হায়বগী অচেৎপা থাজবা পীখ্রে।মচি ব্লোককি মনূঙচনবা খুঙ্গং য়াঙ্খৈরোমগী মনূঙদা লৈরিবা মরিং ফূরূপকি খুঙ্গংশিংগী লুচিংবশিংগা ঙরাং চিফ মিনিষ্টর বাংলোদা উনবদা থাজবা অসী চিফ মিনিষ্টরনা পীখিবনি।
মরিং ফূরূপকি মহুৎ শিন্দুনা চিফ মিনিষ্টর গা উনবা লাকখিবা লুচিংবশিং অদুনা মখোয়গী লমদম অদোমগী অৱাৎপা, খুদোংচাদবা কয়াগী মরমদা পাউদম্লদুনা ইনফ্রাষ্ট্রকচরশিং অদুগী ফীভম ফগৎহনবিনবা চিফ মিনিষ্টরগী পূক্নীং চিংশিনখি। মচি ব্লোক্কি ওইনা অমত্তা ঙায়রবা বেঙ্ক ওফ বারোদা গী সেক্যুরিটি গার্দ মশীং য়াম্না ৱাৎপা মরম্না মীয়াম অমসুং বেঙ্ক অসিগী ষ্টাফশিংদা খুদোংচাদবা কয়ামরুম মায়োক্নরি, ব্লোক অসিদা প্রাইমারি হেল্থ সেন্টর অমখক লৈরিবসি কম্যুনিটি হেল্থ সেন্টর ওইনা অপগ্ৰেদ তৌবিদুনা হকশেলগী ফীভম হেন্না ফগৎনবা থৌরাং লৌখৎপিয়ু হায়না মখোয়না চিফ মিনিষ্টর দা তকশীনখি।
লম্বী-থোংগী ফীভম কা হেন্না ফত্তনা লৈরি, মচি ব্লোক পুলিস ষ্টেসনগী হৌজিক লৈরিবা পার্সোনেল মশীঙ অসী শুপ্নগী ২৫ খক্তমক ওইরি। ষ্টেসন অসিনা কভর তৌরিবনা খুঙ্গং ৫০ রোম্নি। মরম অদুনা পার্সনেল মশীং হেঙ্গৎহনবিদুনা পুলিস ষ্টেসন অসীগী মপাঙ্গল কনখৎহনবিয়ু হায়না তকশীনখি। মখোয়গী ৱাফম খূদীংমক থবক্তা ওন্থোক্নবা অথুবা মতমদা হোৎনরগনি হায়বগী অচেৎপা থাজবা চিফ মিনিষ্টরনা লুচিংবশিং অদুদা পীখি।
You may also like
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে
-
মাইবা-মাইবিদা থৱায় লূপ্পীরুরনু, মেদিকেল সাইন্স খম থেংনা চাওখৎলবনি: এম এম সি
-
ঈরাঙ নংলবা মনিপুরগী কেপিটেল সিটি কাঙ-হয়ীংগী লৈফম ওল্লে
-
লৌমীশিংগী ওর্গানাইজেসন মপাঙ্গল কনখৎহনবা তঙায়ফদে: বিজু ক্রিষ্ণানন