মনিপুরদা অরীবা নাগা ট্রাইব অমা ওইনা লৈরিবা অনাল ফূরুপকি লৌরোক ফেষ্টিবেল “চবান কুমহরিন” ঙরাং চান্দেল দিষ্ট্রিক্ট কি মফম কয়াদা পাক-সন্না, হরাও-তয়াম্না পাঙথোক্নখ্রে।
ফেষ্টিবেল অসি চহী খূদিংগী ওক্তোবর ২৩ দা পাঙথোকপনি। মহৌশা ফূরূপ অসীনা লৈরিবা খুলশিংদা য়াম্না পীক্না পাঙথোক্নরম্বদগী ঙসিদি দিষ্ট্রিক্ট কি থাক্তা মপূঙ ফানা পাঙথোক্নরক্লি।
লৌরোক ফেষ্টিবেল অসীনা লাকপদা অনাল ফুরূপখক্তা নত্তনা অতৈ নাগা ফূরুপশিংগী মরক্তা হেন্না নুংশি-চান্নবগী মরী শাগৎপা ঙম্লি। তাইবং শেম্বীবা মপু মহাকপু থম্মোয় শেংনা থাগত্তুনা লাইনিং-লাইশোন শকপা-শোনবা, নাৎকি থৌরমশিং পাঙথোকপা, অনাল ফূরূপকি মহৌশাদগী লৈজরক্লিবা তোমথিন ওইবা জগোয়-ঈশৈগী অমদি মশান্না কয়াগী মওং মতৌ উত্তুনা থৌরম পাঙথোকপনা ফেষ্টিভেল অসিগী মরূ ওইবা শক্তম অমা ওইরিবনি।
লাম্বুং ভিল্লেজদা পাঙথোকখিবা থৌরমদা মীয়াম্না মপূঙফানা শরুক য়াখি। নুংদাংৱাইরমগী সেসন্দা নাৎকি জগোয়-ঈশৈ, শান্নবগী থৌরমশিং পাঙথোকখি। থৌরমগী অরোয়বদা মীয়াম পূন্না চাকলেন অমা চামিন্নখি।
দিষ্ট্রিক্ট হেদক্বার্তর বাপ্তিস চর্স তা পাঙথোকপা লৌরোক ফেষ্টিবেলদা জাফৌ বজারদা লৈবা দুকান্দারশিং অমদি কারবারৱালাশিং শরূক য়াখি। চান্দেলগী এস দি ও, দিভিজনেল ফোরেষ্ট ওফিসার নচিংবা কয়াসু থৌরমদুদা শরুক য়াখি।
You may also like
-
পূং ২৪ দা মনিপুরদা মীওই ১৪ পোজিটিব ওইখ্রে
-
এম এল এ ৫০ না থম্মোয় শেংদবদগী মনিপুরগী মীয়াম্না ৱারিবনি:তোম্বা
-
মরিং কম্যুনিটি শগী অৱাৎ-অপা য়েংশিনগনি হায়বগী থাজবা সিএম্না পীখ্রে
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে