লমহেন-তুহেনবা য়ীওই ৪ বিষ্ণুপুর পুলিসনা ফাগৎপা ঙমখ্রে

চৎলিবা থা অসীগী ১৫ দা বিষ্ণুপুর দিষ্ট্রিক্টকি ঙাঙ্খলাৱাই এরিয়াগী পৱার ষ্টেসন মনাক্তা চান্না-থক্নবা পোৎ-চৈ, মনা-মশীং পুদুনা লাকপা গারিশিংদগী নমদুনা শেল অমসুং পোৎ-চৈ লৌবদা চেন্নবনি হায়বা লমহেন-তুহেনবা মীওই ৪ বিষ্ণুপুর দিষ্ট্রিক্ট পুলিসনা ফাগৎপা ঙমখ্রে।

মখোয়না গারিশিংদগী নমদুনা লৌথোকখিবা শেলশিংসু পুলিসনা অমুক লৌখৎলে হায়রি। মখোয় মরিনা মীয়ামদগী নম্ফূদা শেল অমসুং পোৎ-চৈ মুন্দুনা লৌবগী থবক-থৌরমদা শীজিন্নবা মারুটি স্বিপ দিজায়র কার অমা, মোবাইল ফোন মরিসু পুলিসনা রিকোভর তৌখ্রে।

মীওই মরি অদুদি, জৌভেং খুগা তম্পাক্তগী, হৌজিক্না ফূবালা রিলিফ কেম্পতা লৈবা অঙোম কিষন (২২), সুনুসিফাই ময়ায় লৈকায়দগী মীওই ৩ – চিত্তরঞ্জন চিঙাখম (২০), তখেল্লম্বম ওজিৎ সিংহ (২৭)  অমসুং হিদংময়ূম জোন্সন শর্মা (২৬) হায়রিবশিং অসীনি। মখোয়গী মথক্তা কেস অমা লৌখত্তুনা মখাতানা থিগৎপা হৌখ্রে হায়রি।

Leave a Reply

Your email address will not be published. Required fields are marked *