কোন্সাখুলগী নাগা মীচম তরুক, চহী অসীগী হৌখিবা মে ১৩ দা কাংপোকপি দিষ্ট্রিক্টকী মনুং চনবা লৈলোন ৱাইফৈ ভিল্লেজ মনাক্তগী খূৎলায় পায়বা শকখঙদবশিংনা ফাখ্রবা মতূঙদা অশীবা হকচাং ওইনা ফংখিবা থৌদোক অদুদা হকথেঙননা চেন্নবনি হায়না নাগা কম্যুনিটিনা খূৎ থিন্দুনা লাকখিবা মীওই মঙাগী মনূঙদা মীওই অনী ঙরাং অয়ুক এন আই এ, সেন্ট্রেল সেক্যুরিটি ফোর্সেস অমদি মনিপুর পুলিস য়াওবা টিম্না লৈলোন ৱাইফৈদগী ফাগৎপা ঙমখ্রে।
মীওই অনীদু মতৈ-মনাওনি হায়রি। মপুরোইবা অদূ মৈতৈদগী কুকি ওনখিবনি। লৈলোন ৱাইফৈ ভিল্লেজদা কুকি ওন্দুনা চহী কয়াগী মমাঙদগী লৈখ্রবনি হায়রি। মতৈ-মনাও অদূগী মনূঙদগী মপূরোইবা অদূগী মিংনা ৱাথম প্রদিপ, অপোকপা তোম্বি অমসুং মহাক্কি লোয়নবী অদূনা অঈংবী এলাইজ মঙ্গাই, অপোকপগী মিং নিমখিনসাউ কৌই হায়রি।
ৱাথম প্রদিপ হায়রিবা মীওই অসী ইম্ফাল ৱেষ্ট দিষ্ট্রিক্টকি মনূঙ চনবা চিরাংদগীনি। মহাক্কি লোয়নবী অদুনা নম্বোল মায়কৈরোমদগীনি হায়রি। অতোপ্পা পাউগী লীখূন অমনা হায়রিবনা, প্রদিপ হায়রিবা মীওই অসী ঙসীদগী চহী ৩৮ লোমগী মমাঙদগী ঈমূঙ-মনূঙগা লোয়ননা লৈলোন ৱাইফৈদা লৈদুনা কুকি ওনখ্রবা মৈতৈ অমনি, মহাক খ্রিষ্টিয়ান লাইনিংদা লূপখ্রবনিসু হায়রি। মহাক্কি অপোকপী মমাসু হৌজিক মহাক্কা পূন্না লৈলোন ৱাইফৈদা লৈমিন্নরি।
কোন্সাখুলগী নূপা-নূপী খুঞ্জাশিং ফাজিন্দুনা থম্লুবা মতমদুদা মতৈ-মনাও অসীসু কুকিশিংগী মরক্তা য়াওই হায়না ভিক্তিম ওইরুরবী নাগা নূপীশিংনা পুলিসতা ৱাকৎলকপদা খঙহল্লম্বসু লৈখ্রবনি হায়রি।
You may also like
-
ষ্টেটকি সোসিয়ল ৱেলফ্যের দিপার্টমেন্ট না মীয়ামগী স্কিম কয়া পায়খৎপা লেপত্রি: শৈখ অব্দুল হাকিম
-
নিসান কম্পেনিগী অনৌবা “টেকটন” প্রেমিয়ম এস য়ূ ভী লোঞ্চ তৌখ্রে
-
ইন্টর্নিশিংনা হেল্থ সার্বিসেসকি ওফিস মমাঙদা প্রোটেষ্ট তৌখ্রে
-
এন আর সি মপূঙফানা থবক্তা ওন্থোকত্রিফাওবা সেন্সস লেপকদবনি হায়না সি এস ও ১৪ না সেন্টরদা তকশীনখ্রে
-
য়ৌরবুংদা নৌনা শাবা কম্যুনিটি হোল এম এল এ ইবোমচানা শঙ্গাখ্রে