মনিপুরি লোলনা ইন্দিয়ান কন্সটিট্যুসনগী ৮শুবা সেদ্যুল্ দা চনখিবা নুমিৎ আগষ্ট ২০ নীংশীংদুনা, লাক্লিবা আগষ্ট ২০ দা ৱাখল্লোন মান্নবা অপূনবা (ৱামা) কংলৈপাক্না শীন্দুনা , ইম্ফাল ৱেষ্ট দিষ্ট্রিক্টকি মনূঙ চন্না লৈবা হয়িং খোঙবান্দা লৈরিবা লাইনীংথৌ সনামহী টেম্পলদা মনিপুরি লোলগী নীংশীং থৌরম মহৌশাগী মতৌগুম পাঙথোক্লগনি হায়রি। নুমিৎ অসীদা শৈরেং চাংদম্নবগী থৌরম অমসু পাঙথোক্কনি। ঙরাং ইম্ফালগী মনিপুর প্রেস ক্লবতা পাউমীশিংগা উনবগী থৌরমদা ৱামাগী প্রসিদেন্ট মোইরাংথেম নাউখম্বনা ৱাফম অসি ফোঙদোকখিবনি।
মহাক্না হায়, “হিংখিসি ঐখোয় ঈরৈপাক্কিদমক” হায়বা হীরমদা পাঙথোক্কদৌরিবা শৈরেং চাংদম্নবগী থৌরম অসীদা মীয়াম্না শরুক য়াবিয়ু। শৈরেং অদূ য়ামদ্রবদা পরেং ২০ দগী ৩০ ফাওবগী মনূঙদা ওইহনবিয়ু হায়খি। শৈরেং খূদীঙমক লোনয়ান য়াওদনা ঈমালোলদা ইবা ওইগদবনি। শৈরেং চাংদম্নবা অসীদা পূক্নিং থৌগৎপা ওইনা অহানবা, অনীশুবা অমদি অহূমশুবা তারবশিংদা মথঙশীৎনা লূপা ৩০০০, ২০০০ অমসুং লূপা ১০০০ গা লোয়ননা শকখঙ-চে কচ্চগনি হায়খি। কন্সোলেসন প্রাইজ ওইনা মীওই ৭ তা লূপা ৫০০/৫০০ সু কচ্চগনি হায়বা ৱাফম নাউখম্বনা থমখি।
শৈরেং চাংদম্নবা অসীদা শরূক য়াবা অশৈবা পূম্নমক্তসু অখন্নবা খূদোল ওইনা লূপা ২০০/২০০ পীগনি। শৈরেংশিং অদূ ৱাহেংবম লৈকায়দা লৈবা পান্দম পাউচেগী ওফিসতা নত্রগা ৱামাগী মোবাইল নম্বর ৯৮৫৬১৯২৯৯০ নত্রগা ৭৮০৫৩৮০২৭৪ দা আগষ্ট ৫ ফাওবগী মনূঙদা পীশীল্লকপা য়াগনি হায়রি।
You may also like
-
থোক্লিবা হীঙশা অসী ষ্টেট স্পোন্সর্দ টেরোরিজম অমনি : টিঐচ ব্রিন্দা
-
মীওই অমা ব্রাউন সুগরগা কোন্ননা ফাগৎপা ঙমখ্রে
-
এন এম সীনা রিম্সতা এম বি বি এসকি সিট ১৫০ দা হেঙ্গৎনবা অয়াবা পীরকখ্রে
-
নাগা ৬ হাৎপদা চেন্নবনি হায়বা, মৈতৈদগী কুকি ওনখ্রবা মতৈ মনাও ফারে
-
ষ্টেটকি সোসিয়ল ৱেলফ্যের দিপার্টমেন্ট না মীয়ামগী স্কিম কয়া পায়খৎপা লেপত্রি: শৈখ অব্দুল হাকিম