নেস্নেল মেদিকেল কম্মিসন (এন এম সি) না চৎলিবা চহী অসীদগী হৌনা রিজনেল ইন্সটিট্যুট ওফ মেদিকেল সাইন্সেস (রিম্স) ইম্ফালদা হৌজিক লৈরিবা এম বি বি এসকি অপূনবা সিট মশীং ১২৫ অসীদগী সিট ১৫০ দা হেঙ্গৎনবগী অয়াবা পীরকখ্রে। থৌওং অসীনা মরম ওইরগা অৱাং নোংপোক লমদমদগী এম বি বি এস কোর্স তম্নিংবা মহৈরোয়শিংদা চাউনা কান্নবা পীরগনি হায়রি।
হন্দক্কি চৎলিবা চহী অসীদগী হৌনা দেন্টেল কোল্লেজ, রিম্স, ইম্ফালদা মাষ্টর ওফ দেন্টেল সর্জরি (এম দি এস) হাংনবগী মতাঙদসু নেস্নেল দেন্টেল কম্মিসন্না অয়াবা পীরক্লে হায়রি। এম দি এসকি হাংগদৌরিবা কোর্সশিং অদুদি, ওরেল এন্দ মেক্সিলোফেসিয়েল পেথোলোজি এন্দ ওরিয়েল মাইক্রোবাইওলোজি, পেরিওদোন্টোলোজি, ওর্থোদোন্টিক্স এন্দ দেন্তোফেসিয়েল ওর্থোপেদিক্স, কঞ্জার্বেটিব দেন্টিষ্ট্রি এন্দ এন্দোদোন্টিক্স, ওরিয়েল এন্দ মেক্সিলোফেসিয়েল সর্জরি অমদি প্রোষ্টোদোন্টিক্স এন্দ ক্রাউন এন্দ ব্রিদ্জ নি।
থৌওংশিং অসীনা মরম ওইরগা রিম্সনা মতমগা চানবা অফবা হেল্থক্যের প্রোফেস্নেল কয়া, মনিপুর অমসুং অৱাং নোংপোক লমদমদা মশীং য়াম্না পুথোকপা ঙম্লগনি হায়রি।