গেট টুগেদর থৌরম পাঙথোকখ্রে

খা মনিপুর হীন্দুষ্টানি সঙ্গিত মহাবিদ্যিলয়া ককচীংদা নৌনা মিং চল্লকখ্রবা মহৈরোয়শিং শকখঙ-মায়খঙনবগী গেট টুগেদর ফঙ্কসন ঙরাং ককচীং ৱাইরি কোঙ্গোয় কম্যুনিটি হোলদা পাঙথোকখ্রে।
ষ্টেট সোং শক্তুনা হৌদোকখিবা থৌরম অদুদা ককচীং কেন্দ্রগী এম এল এ ময়াংলম্বম রামেশ্বরনা অথোয়বা মীথূঙলেন, মনিপুর য়ুনিভর্সিটি ওফ কলচরগী ভাইস চাঞ্ছেলর প্রোফেসর পাউনম গুনিন্দ্রোনা স্পেসিয়েল গেষ্ট, মনিপুর য়ুনিভর্সিতি ওফ কলচর গী কোল্লেজ দেভলপমেন্ট কাউন্সিলগী দিরেক্তর দা. লৌরেম্বম সুরজিৎনা অখন্নবা মীথূঙ, খা মনিপুর হীন্দুষ্টানি সঙ্গিত মহাবিদ্যালয়া ককচীংগী ভাইস প্রসিদেন্ট খেত্রিময়ুম রঞ্জন অমদি প্রিন্সিপাল নোংমাইথেম ইন্দুমুখিনা থৌরম অদুদা প্রেসিদিয়ম মেম্বরশিং ওইনা শরুক য়াখি।
মহাবিদ্যালয়া অসীগী মহৈরোয়শিংনা জগোয় ঈশৈ অমদি ইন্সট্রুমেন্টেল পার্ফোমেন্স কয়া ঊত্তুনা অয়েংবশিংগী পূক্নীঙ চিংশিনখি। মনিপুর য়ুনিভর্সিতি ওফ কলচর অমসুং অমদি মসিদা এফিলিয়েট তৌবা কোল্লেজ, ইন্সটিট্যুসনশিংনা ফীভম ফগৎলক্লিবা মখৈ মনিপুরগী আর্ট এন্দ কলচর, ত্রেদিস্নেল নোর্মশিং লেঙদনা, ঙাক্তুনা থম্বা ঙমগদৌরিবনি। ইন্টর্নেটকি খম থেংনা চাওখৎলে হায়রবসু ঐখোয়গী ঈপা-ঈপূশিংনা ঐখোয়গীদমক থম্বীরম্লবা নাৎ অমসুং চৎনবী লোঞ্চত্তি মাঙহন্দনবা চেকশীন্না ঙাক্তুনা থমগদবনি।মসীনা মালেমদা মনিপুরি ঐখোয়বু মশক তাক্লিবনি হায়না অথোয়বা মীথূঙলেনগী ৱারোলদা এম এল এ রামেশ্বরনা ফোঙদোকখি।
মনিপুর য়ুনিভর্সিতি ওফ কলচরগী মখাদা মায় পাক্লবা মহৈরোয়শিংদা শকখঙচে খূৎশীন্নবগা লোয়ননা মহাবিদ্যালয়া অসীগী মহৈরোয়শিংনা পূঙ চোলোম্নচিংবা নাৎকি থৌরমশিংসু ঊৎখি।