জম্মু অমসুং কাস্মিরগী শ্রিনগরদা, চৎলিবা সেপ্তেম্বর থা অসীগী ৬ তগী ১০ ফাওবা চত্থরিবা ২৯ শুবা নেস্নেল সব-জুনিয়র সেপাক টাক্রো চেম্পিয়ন্সিপ্তা মনিপুরগী শান্নরোয় নূপামচাশিং অমসুং নূপীমচাশিংগী টিম্না চেম্পিয়ন লৌরবা য়াবগী থাক্তা লৈখ্রে।
মনিপুরগী নূপামচাশিংগী টিম্না বিহারবু ফাইনেল মেচতা ঙরাং থোইবা ঙমখি। মনিপুরনা ২-০ দা বিহারগী টিম্বু মায়থীবা পীখিবনি। অহানবা রেগুদা মনিপুরনা ১৫-৭, ১৫-১৩ দা মায় পাকখি। অনিশুবা রেগুদা ১৭-১৫, ১৫-৭ তা বিহারবু মায়থীবা পীখি।
নূপীমচাগী সেমি ফাইনেলদসু মনিপুরনা মহারাষ্ট্রবু ২-০ দা থোইখি। অহানবা রেগুদা ১৫-৭, ১৫-১৩ দা মায় পাকখি অদুগা অনীশুবা রেগুদসু ১৫-১২, ১৫-১০ দা মায়থীবা পীখি। মনিপুরগী টিমশিং অসী সেপ্তেম্বর ৪ দা শ্রিনগরগীদমক ইম্ফাল থাদোকখিবনি।