লাক্লিবা একাদেমিক সেসন ২০২৬-২৭ অসীদগী হৌদুনা লৈবাক অসীদা লৈরিবা ক্লাস থ্রীগী থাক্তা তম্লিবা মহৈরোয়শিংদা আর্টিফিসিয়েল ইন্টেলিজেন্স ( এ আই) গী মরমদা মমূৎ তানা খঙহন্ননবা পান্দমদা অখন্নবা সবজেক্ট অমা হাপ্তুনা তম্বি -তাকপীরগনি হায়না য়ুনিয়ন ইদুকেসন মিনিষ্ট্রিনা লাউথোকখ্রে।
মিনিষ্ট্রি ওফ ইদুকেসন গী মখাদা লৈরিবা দিপার্টমেন্ট ওফ স্কুল ইদুকেসন এন্দ লিটরেসিনা শীন্দুনা হৌখিবা ওক্টোবর ২৯ দা পাঙথোকখিবা নেস্নেলগী থাক্তা খন্ন -নৈনবগী মীফমদা হীরম অসীগী মতাঙদা ৱারেপ লৌখিবনি।খন্নখিবা মীফম অদুদা সেন্ট্রেল বোর্দ ওফ সেকেন্দরি ইদুকেসন (সি বি এস ই), নেসনেল কাউন্সিল ওফ ইদুকেসনেল রিছার্স এন্দ ট্রেনিং ( এন সি ই আর টি) ,কেন্দ্রিয় বিদ্যালয়া সঙ্গাথন অমসুং নভোদয়া বিদ্যালয়া সম্মিটিগী এক্সপার্টশিং শরূক য়াখি।
মতমসিগা চানবা টেক্নোলোজিগী মরমদা নৌরিবা মহৈরোয়শিংদা খঙহনবগা লোয়ননা কম্পুটেস্নেল থিঙ্কিংগা মরী লৈনবা ফাউন্দেসন কোর্স সু তম্বিবা হৌরগনি হায়রি। নেসনেল ইদুকেসন পোলিসি -২০২০ অমদি নেসনেল করিক্যুলম ফ্রেমৱার্ক ফোর স্কুল ইদুকেসন,২০২৩ গা চানগদবা মওংদা মহৈরোয়শিংবু এ আইগী মতাঙদা মমূৎ তানা খঙহন্ননবা মিনিষ্ট্রিনা অনৌবা থৌরাং অসী পায়খৎলকপনি হায়রি।
You may also like
-
এম এল এগী ইজ্জৎ শোকপা ৱাফম থম্লকপগী মায়োক্তা মীয়াম্না পেন্দবা ফোঙদোকখ্রে
-
আই দি পিশিং মহৌশাগী ময়ূমদা হঞ্জিলহনবিরো : কুল্লা মঙাং
-
ৱার্ল্ড রেবিজ ডে থৌরম পাঙথোকখ্রে
-
সি ই সি গী মায়োক্তা কংগ্ৰেসকি খোঙজঙ কন্সীনখ্রে, ইফিজি মৈ থাদুনা প্রোটেষ্ট তৌখ্রে
-
কংলাদা সি ঐচ ঐচ সি আই হৌদোক্তুনা শীৎ-শেংবগী থবক পায়খৎখ্রে