ককচীং দিষ্ট্রিক্ট কি ককচীং পুলিস ষ্টেসনগী মনূঙচন্না লৈরিবা, নেস্নেল হায়ৱে ১০২, ইম্ফাল -মোরে লম্বীগী সোরা চীঙ ৱাংমদা লৈবা সোরা হায় স্কুল মনাক্তা ঙরাং থোকখিবা লাইবক থীবা লম্বীগী এক্সিদেন্ট অমদা নহা অমা লাইকন্নবা নংদনা মফমদুমক্তদা লৈখিদ্রে।
লাইবক থীবা থৌদোক অদুদা লৈখিদ্রবা নহা অদূ সোরা করাঞ্চিদগী মোহম্মদ ৱারিস (২৩) অপোকপা মোহম্মদ অমু কৌই হায়রি। মহাক্না আর-১৫ মোটোরসাইকল অমা তোংলকখিবনি, অদূগা মহাক্কি মায়োক্নবদা লাকখিবা আই-১০ কার অমগা অকনবা শাফূদা থোমজিন্নখিবদা লাইবক থীবা থৌদোক অদু মায়োক্নখিবনি।
কার থৌদুনা লাকখিবা মীওই অদূ ইম্ফাল ইষ্ট দিষ্ট্রিক্টকি খুন্দ্রাকপম কেন্দ্রগী মনূঙচন্না লৈরিবা ৱাইতোন্দগী থোকচোম সনাতোম্বা কৌই হায়রি। সনাতোম্বা হায়রিবা মীওই অসী ১১শুবা আই আর বিগী পার্সনেলনি। মহাক্না তোংলকখিবা কার অদূগী রেজিষ্ট্রেসন নম্বরনা এম এন ০৬ এল বি – ৮০৬৭ নি।
মনিপুর পুলিস ফোরেন্সিক টিম্না হকথেংননা লাক্তুনা থৌদোক অদূগী মতাঙদা য়েংশিনখিবগা লোয়ননা লৈখিদ্রবা ৱারিসকি হকচাং অদু ককচীং পুলিসনা লৌখৎলবা মতূঙদা জেনিম্স কি মোর্চুৱারিদা পোষ্ট মোর্টেমগীদমক থমখ্রে হায়রি।
You may also like
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি
-
লৈখিদ্রবা বোনেট কোন্সমগী লোয়নবীদা এল এম জিনা শেলগী তেঙবাং পীখ্রে
-
মেদল ফোর মেরিটোরিয়স সার্বিস এৱার্দ পীননবা পুলিস পার্সনেলশিং লৈবাক অসীগী ওইনা খনগৎলকপদা মনিপুরদগী ৮ য়াওরক্লে
-
হয়ার সেকেন্দরি লেকচররশিংগী পেনদাউন ষ্ট্রাইক লৈঙাক্কা য়ানবা পুরকপদগী হন্দোকখ্রে
-
প্লাষ্টিক পোল্যুসন্না মীওইবদা পীরক্লিবা তমথিরবা চৈথেং অসীদগী ঙাকথোক্নবা মতম চানা হোৎনহৌবা মথৌ তারে: সোমোর্জিৎ