কুকি-জো গ্ৰুপশিংনা মনিপুরদা প্রসিদেন্ট রুল চল্লাইবিয়ু হায়না সেন্টরদা তকশীনখ্রে। হৌখিবা মার্চ থাদগী হৌজিক ফাওবদা কাঙলূপ অসীগী মীওই ৩২ রোম হাৎপিখ্রে হায়না লূপশিং অসিনা ক্লেম তৌখি।
কুমশিং ২০২৫ গী ফেব্রুয়ারি ১৩ দা মনিপুরদা প্রসিদেন্ট রুল থমখিবগা লোয়ননা চৎলিবা কুমশিং ২০২৬ কি ফেব্রুয়ারি দা পি আর অমূক হন্না লৌথোকখিবনি। কুকি-জো ৱিমেন্স ফোরম, দিল্লিনা ফোঙদোরকপগী মতূঙ ইন্না, এন এস সি এন (আই এম) অমসুং জেট য়ূ এফ -কামসোন গী খূৎলায় পায়বা মেম্বরশিংনা হৌখিবা মার্চ থাদগী ঙসীফাওবদা কুকি-জো কাঙলূপকি মীরোনবী অনী য়াওনা নূপী ১০, নূপা ২২ হাৎখ্রে। ফূরূপ অসিনা খুন্দারিবা খুঙ্গং ১৪ রোমগী য়ূম ৫৫ হেন্না মৈ থাদোকপিখ্রে হায়না ফোঙদোকখি।
দিল্লিদা পাঙথোকখিবা প্রেস কনফারেন্স অমদা কুকি-জো কাউন্সিল (কে জেট সি) গী ৱাঙাঙলোয় গিঞ্জা গুৱালজোংনা হায়, মমাঙদা প্রসিদেন্ট রুল লৈরিঙৈ মতমদা কুকি-জো কাঙলূপকি মীওই অমত্তা শিখিবা লৈতে। কাঙলূপ অসীগী মীয়ামগী পুন্সি অমদি লন-থুম কন্নবগীদমক মনিপুরদা পি আর থম্বা হায়বসি তঙায়ফদবা অমনি হায়খি। মতম শাংনা চত্থরক্লিবা কাঙলূপকি হাৎনা-শুনবা অসী মপূঙ ফানা লাকশীনবা ঙমদ্রবা মনিপুর লৈঙাক্তা কুকি-জো মীয়াম্না থাজবা লৈত্রে। পোলিটিকেল প্রোব্লেম ওইবা মরম্না পোলিটিকেল সোল্যুসন অমা মথৌ তাই হায়খি।
You may also like
-
জে এফ দিগী অকনবা খোঙজঙ মতম খরগী ওইনা লেপখিগনি: জীটেন্দ্র নিঙোম্বা
-
মনিপুরগী শান্নরোয় ৩৬, কোচ ৩ দা সিএম্না য়াইফা-মঙ্গোল পীখ্রে
-
কুমশিং ২০২৯ গী জূন থাদা ইম্ফাল সীটি অসী ইন্দিয়াগী রেলৱে মেপতা য়াওবা অৱাং-নোংপোক্কি মঙাসুবা সহর ওইরগনি
-
মণিপুর সেনথোক লৌবা, কেডার অনৌবা লৌশিনবদ 야ওবা মিওই ৪ ফারে
-
খেমচান্দগী মিনিষ্ট্রি এক্সপান্সন তৌবগী ৱাফম লৈখাই তারবা য়াই, কৌরকপদগী দিল্লি পাংখ্রে