জে এফ দিগী অকনবা খোঙজঙ মতম খরগী ওইনা লেপখিগনি: জীটেন্দ্র নিঙোম্বা

কেম্পেন ফোর জষ্ট এন্দ ফ্যের দিলিমিটেসন (জে এফ দি) গী অকনবা ঈহৌ অমসুং খোঙজঙশিং মতম খরা লেপ্লগা মনিপুর লৈঙাক্না পীরক্লিবা, সেন্সস মপূঙফানা য়ৈথোকহন্নবা হোৎনগনি লোয়ননা এন আর সি হান্না অপদেট তৌননবা হোৎনরগনি হায়বগী কম্মিটমেন্ত অসী কদায়ফাওবা থবক্তা ওন্থোরকপগে হায়বদু মতম খরা পীদুনা কূপ্না য়েংশিনখিগনি হায়না লূপ অসীগী কনভিনর জিতেন্দ্র নিঙোম্বনা মীয়ামদা ফোঙদোরক্লি। ইম্ফাল ইষ্ট দিষ্ট্রিক্টকি মনূঙচন্না ৱাঙ্খৈ খূনৌদা লৈরিবা সিটিজন্স ক্লবতা ঙরাং পাঙথোকখিবা পাউমীশিংগা উনবগী থৌরম অমদা মহাক্না ৱাফম অসী ফোঙদোকখিবনি।

জীটেন্দ্রনা হায়, মনিপুর লৈঙাক্কি মায়কৈদগী পায়খৎকনি হায়রিবা, কুমশিং ১৯৫১ দা বেজ ইয়ার ওইরগা এন আর সি অপদেট তৌবগী ৱাফম, সেন্সস মপূঙফানা য়ৈথোক্নবগী মতাঙ অসি কদায় ফাওবা মীয়ামগী য়েংলগা থবক পায়খৎলকপগে হায়বদু মতম খরদং কূপ্না মোনিটর তৌখিবা তারি।লৈঙাক্কি পোজিটিব ওইবা থবক-থৌরমশিং অদুদা অপন-অরাক, খুরৌ থাংহনবগী থৌওং অমত্তা য়াওহন্দনা থবক য়াঙনা পায়খৎলকপা ঙম্নবা খুদোংচাবা পীবা ওইনা জে এফ দিনা চঙশীন্দুনা লাক্লিবা কা হেন্না অকনবা খোঙজঙশিংখক্তমক মতম খরা হন্দোক্নবা ফিরেপ লৌবনি। অদূম ওইনমক হান্নদগী চত্থদুনা লাক্লিবা ৱাকৎ মীফম, সিগনেচর কেম্পেইন্নচিংবদি অদুম্মক চঙশীনখিগনি হায়না জীটেন্দ্রনা ফোঙদোকখি।

ওক্টোবর অহুমদা মনিপুর লৈঙাক্কি ৱাঙাঙলোয় দা.সাপম রঞ্জন্না মীয়াম অমসুং জে এফ দিদা খোঙজঙ মতম খরা হন্দোকপিনবা খঙহল্লকখিবা ৱাফম অদূবু তরাম্না ওকপগা লোয়ননা মীয়ামগী অচূম্বা দিমান্দ অসীদা সেন্টর অমসুং ষ্টেট লৈঙাক্না মপূঙ ফানা শৌগৎলি, থবক্তা ওন্থোক্নবা অথূবা মতমগী মনূঙদা হোৎনগনি হায়রকখিবা অদূ য়েংলগা জে এফ দিগী অকনবা খোঙজঙশিং মতম খরা হন্দোকপগী ফিরেপ অসী লৌরকপনি হায়খি।