পাৎশোয় কেন্দ্রগী এম এল এ কেবা লৈখিদ্রে

পাৎশোয় কেন্দ্রগী এম এল এ ওইনা লৈরিবা সাপম কুঞ্জকেশ্বর (কেবা) ঙরাং ন্যু দিল্লিদা লৈবা এপোল্লো হোস্পিটালদা লৈখিদ্রে। মহাক নুমিৎ খরনিগী মমাঙদা দেঙ্গী নারকপদগী ইম্ফালগী বাবিনা সুপর  স্পেসিয়েলিটি হোস্পিটালদা লায়েংদুনা লৈরম্লবা মতূঙদা মশা ফৎচীল্লক্তবদগী এয়র এম্বুলেন্স অমদা ঈমূঙ-মনূঙগী মীওইশিংনা ন্যু দিল্লিদা লৈবা এপোল্লো হোস্পিটালদা পুরগা লায়কন্নদুনা লৈরক্লবা মতূঙদা ঙরাং লৈখিদবনি।

মহাক্কি লোয়নবী, মচানুপা অমা অমসুং মচানূপী অনী থম্লম্মি। মহাক লৈখিদবদা চিফ মিনিষ্টর য়ূম্নাম খেমচান্দ সিংহ, হান্নগী চিফ মিনিষ্টর নোংথোম্বম বিরেন অমদি রাজনিটিগী লুচিংবা কয়ানা অৱাবা ফোঙদোক্নরক্লি। কেবা লৈখিদবা অসী মনিপুরগী রাজনিটিদা মেন্সিনবা ঙম্লরোইদবা অহাঙবা মফম অমা লৈহৌরগনি হায়না চিফ মিনিষ্টর খেমচান্দনা ফোঙদোরক্লি।

কেবা অসী পাৎশোয় কেন্দ্রদা কুমজা ২০০৭ তা অহানবা ওইনা ইন্দিপেন্দেন্ট মীরেপ অমা ওইনা মীখলদা মায় পাক্লক্তুনা মীয়ামগী থবক তৌরমখি। অনীশুবা ওইনা কুমজা ২০২২ গী এসেমব্লী মীখলদা মায় পাক্লক্তুনা হৌজিক পাৎশোয় কেন্দ্রগী এম এল এ ওইনা লৈরকখিবনি। রাজনিটিদা চঙলক্ট্রিঙৈদা মহাক ওরিয়েন্টেল কোলেজদা দিমোন্সট্রেটর ওইনা থবক তৌরমখি হায়রি। ইন্নর মনিপুর গী লোক সভা এম পি বিমোলনসু কেবা লৈখিদবদা অৱাবা ফোঙদোরক্লি।

Leave a Reply

Your email address will not be published. Required fields are marked *