লমশাং এসেমব্লি কনস্তিত্যুএন্সিগী মনূঙচন্না লৈরিবা তাউথোং খুঙ্গংগী মীয়ামদা থক্নবা অফবা ঈশিং মরাঙ কায়না ফংহন্নবা পান্দমদা, হেন্না ফীভম ফগৎহল্লবা লমশাং ৱাটর সপ্লাই স্কিম অমা ঙরাং শঙ্গাখ্রে।
এসেমব্লি কনষ্টিট্যুএন্সি অসীগী এম এল এ সোরোকখাইবম রাজেন্না হাংদোকখিবা ৱাটর সপ্লাই স্কিম অসীনা, লমদম অদুগী মীয়াম্না মায়োক্নদুনা লাকখিবা থক্নবা অফবা ঈশিং মরাং কায়না ফংদবগী খুদোংচাদবা কয়াদু কোকহল্লগনি হায়রি। টাউন ১৩ দা থক্নবা অফবা ঈশিং মরাঙ কায়না ফংহন্নবা পান্দমদা থৌরাং অসী লৌখৎলকপনি।
ষ্টেট লৈঙাক্কি পব্লিক হেলথ ইঞ্জিনিয়রিং দিপার্টমেন্টগী চিফ ইঞ্জিনিয়ার তোংব্রম রবিন্দ্রকুমারসু ৱাটর সপ্লাই স্কিম শঙ্গাবা থৌরমদুদা শরুক য়াখি।