কুকি নার্কো টেরোরিস্ট শিংনা মীচম-মীয়াম নোংমা কাংদনা হাৎলক্লিবা অসীগী মায়োক্তা মনিপুরগী য়েলহৌমী ফূরূপশিং পূন্সীন্দুনা অকনবা খোঙজঙ চঙশীনবা হৌরকপগা লোয়ননা ঙরাংসু নেটিব পিপলস কম্মিটি মনিপুরনা লমদম অসীগী তোঙান তোঙানবা সিভিল সোসাইটি ওর্গনাইজেসন কয়াগা খূৎশম্নদুনা চীঙমৈরোং মনাক্কি মাও মার্কেট্টা সিট- ইন-প্রোটেষ্ট চত্থখ্রে।
নাগা অমসুং মৈতৈ ফূরূপকি মশীঙ য়াম্লবা মীওইশিংনা শরুক য়াদুনা চত্থখিবা প্রোটেষ্ট অদুদা হ্যুমেনিটারিয়ান এইদ কম্মিটি মনিপুরগী কো-কনভিনর আমানা থাইমায়না হায়, কুমজা ২০২৩ গী মে অহুমদগী কুকি নার্কো টেরোরিষ্টশিংনা য়েলহৌ ফূরূপশিং মথং মথং হাৎলকপনা য়েলহৌ ফূরুপশিং খাঙদুনা লৈবগী পঙ্খৈ লান্থোরক্লে।
থৌওং কয়া অসী য়ানিংদবা ফোঙদোক্তুনা প্রোটেষ্ট অদূ চত্থবনি। কুকি টেরোরিস্ট শিংনা নোংমা কাংদনা মীচম মীয়াম হাৎলবসু লৈঙাক অসীনা করিসু তৌবা ঙমদনা লৈরি। ঈরাং অসীনা শোকহল্লবা মীয়ামগী ৱারেপ অদূগী মতূঙ ইন্না থবক পায়খৎকনি হায়খি।
