থৌবাল কৈথেলগী জেরো কিলোমিটরদা লৈরিবা, হন্দক নৌনা হাংদোকখিবা ভিসাল মেগা মার্ট অসীদা থৌবাল ম্যুনিসিপাল কাউন্সিলনা শোপ্পিং লাইসেন্স পীরিবা অসি ককথত্রিফাওবা খোঙজঙ চঙশীন্দুনা লাক্লিবা থৌবাল কৈথেলদা পোৎফম ফম্বীশিং অমসুং দুকান্দারশিংনা চঙশীল্লকপা খোঙজঙ হেন্না কন্সীল্লক্লি।
মসীগী মনূঙচন্না ঙরাংসু অয়ূক অঙনবদা কৈথেল অদুদা পোৎফম ফম্বী ঈমাশিংনা ৱাকৎ মীফম চত্থখ্রে। মশীং য়াম্লবা ইমাশিং অদূনা কৈথেল মনূঙদা ৱাকৎ মীফম চত্থরবা মতুঙদা নুংথিলদনা নেস্নেল হায়ৱে ২০২, ইম্ফাল -মোরে লম্বী, তঙ্খাই থিংজিন্দুনা খোঙজঙ হেন্না কন্সীলহন্দুনা খোল্লাউ কয়াগা লোয়ননা ফমজীন্দুনা লৈখ্রে। থৌবাল কৈথেলগী জেরো কিলোমিটরদা লৈরিবা ভিসাল মেগা মার্ট খূদক্তা অতোপ্পা, খরা লাপ্পা মফম অমদা হোংদোক্কদবনি, হৌজিক লৈরিবা মফম অসিদা থৌবাল ম্যুনিসিপাল কাউন্সিলনা শোপ্পিং লাইসেন্স পীরিবা অসি খূদক্তা ককথৎকদবনি হায়বা খোল্লাউ কয়া লাউখি।
ভিসাল মেগা মার্টতা পীরিবা শোপ্পিং লাইসেন্স কক্ট্রিবা ফাওবা থৌবাল কৈথেলদা পোৎফম ফম্বীশিং অমসুং দুকান্দারশিংনা থোঙ হাংখিরোই হায়না খোঙজঙদুদা শরূক য়াখিবা ইরোম সুভাসিনি কৌবী ঈমা অমনা ফোঙদোকখি।
নুমিদাংৱাইরমগী মতমদা খোঙজঙলোয়শিং অদূনা থৌবাল ম্যুনিসিপাল কাউন্সিলগী ওফিসতা লাক্লবা মতূঙদা ওফিসকি গেট মমাঙদা ফমজীন্দুনা ৱাকৎ মীফম মখাতানা চত্থখি।
You may also like
-
মনিপুরদা শান্তি পুরক্নবা হোৎনবদা মপাঙ্গল কানখ্রে, হাত্যারগা লোইননা মিলিটেন্ত ৪৬ লানথাখ্রে
-
মীতোপ্না শুরিবা থবকশিং ঐখোয়না মহুৎ শিল্লবা মতমদা চাওখৎপা -নুঙাইবা পুরক্কদবনি: মশেল
-
ইম্ফাল ইষ্টকি ৱাখা দা শারিবা এম য়ূ সী আগষ্ট থা মনূঙদা লোইশিনবা ঙম্লোইদৌরি
-
কে সি পি (পিদব্লিয়ুজি) গী চ্যেরমেন য়াওনা কেদর ৪৬ সরেন্দর তৌরকখ্রে
-
হাওচোং পি ঐচ সী অৱাৎ-অপানা পীক থল্লম্লে: পুয়া