ইম্ফাল ম্যুনিসিপাল কোর্পোরেসন্না কোল্লিবা এরিয়াদা লৈরিবা ইলিজিবল ওইরবা মীওইশিংদগী প্রোপর্টি টেক্স লৌখৎনবা লৈঙাক্না অনৌবা এক্ট অমা পাস তৌখিবগা লোয়ননা এক্ট অদূ থবক ওইনা পায়খৎপা হৌরে, চৎনরে হায়না মাহুদ দিপার্টমেন্টগী মসা-লোয়শঙ অমা ওইনা লৈরিবা ম্যুনিসিপাল কাউন্সিল অমদি ম্যুনিসিপাল কোর্পোরেসনগী কম্মিস্নার এম নাউবনা ফোঙদোকখ্রে।
ইম্ফাল ম্যুনিসিপাল কোর্পোরেসন অমদি অতৈ ম্যুনিসিপাল কাউন্সিলশিং অসীগী মশাগী ওইবা ইনকমগী ছোর্স লৈহনবা ঙম্ননবা অনৌবা এক্ট অমা শেমদুনা থবক পায়খৎপা হৌখ্রে হায়না ঙরাং দি আই পি আরগী ওদিটোরিয়মদা পাঙথোকপা মিট দি প্রেস থৌরমদা নাউবনা ফোঙদোকখি। য়ূম অনৌবা শাগে খল্লিবা মীওইশিংনা বিল্ডিং বাই-লো ঙাক্কদবনি। য়ূম শাদ্রিঙৈ মমাঙদা ইম্ফাল ম্যুনিসিপাল কোর্পোরেসন্দগী পার্মিসন হান্না লৌহৌগদবনি হায়না মহাক্না থমখি।
থৌরমদুদা শরূক য়াখিবা মাহুদকি জোইন্ট দিরেক্টর এম কপাজিৎনা হায়, মাহুদ দিপার্টমেন্টগী মখাদা লৈরিবা ম্যুনিসিপাল কোর্পোরেসন, ম্যুনিসিপাল কাউন্সিলশিং, পি দি এ, এন ভি দি এ, ইম্ফাল স্মার্ট সিটি লিমিতেদ, টাউন প্লান্নিং দিপার্টমেন্ট য়াওনা অতৈ লাইন দিপার্টমেন্ট শিংগা খূৎশম্নরগা ষ্টেট অমসুং সেন্ট্রেল স্পোন্সর্দ স্কিম কয়ামরুম পায়খৎলি।
