ঊখ্রূল দিষ্ট্রিক্ট হোস্পিটালদা লৈরিবা দাক্তর, নর্সনচিংবা অয়াম্বা মহুৎ শিনবা দাক্তর, নর্স ঙাক্তনা চল্লাইরগা লৈরম্লে। মনিপুর লৈঙাক্না অচৌবা শেনফম কয়া থাদদুনা চল্লাইরিবা, ঊখ্রূলদা লৈরিবা দিষ্ট্রিক্ট হোস্পিটাল অসী য়াম্না অঙকপা ফীভম অমদা লৈরম্বা থেংনরকখিবনি।
অনা-লায়েঙবদা চঙবা ইক্বিপমেন্তশিং ৱাৎপগী মথক্তা অতৈ ইনফ্রাষ্ট্রকচরগী অৱাৎ-অপা কয়াসু লৈরম্বা থেংনরকখি। মনিপুর লৈঙাক্কি স্কুলশিংদা ওজা মহুৎ শিন্নরগা থাগী তোলোব ফংলকপা মতমদা য়েন্নদুনা চামীন্নবগী কলচর অমা লৈরিবা অসীগা মান্নবা মওংদা ঊখ্রূলদা লৈরিবা দিষ্ট্রিক্ট হোস্পিটাল অসীদসু অশেংবা দাক্তরশিং অদূগী মহুৎ অতোপ্পা দাক্তরশিংনা চল্লাইদুনা লৈরম্বা থেংনরকখি, অদুগা নর্সশিংসু মহুৎ শিনবনা অয়াম্বা ওইরম্লে হায়রি।
ঙরাং পিপল্স য়ুনাইটেদ য়ূথ এল্লাইন্স (পুয়া) না ফুটহীল্স নাগা কোর্দিনেসন কম্মিটিগী মেম্বরশিংগা লোয়ননা হোস্পিটাল অসীদা য়েনশিনবা চৎলুবদা ফীভমশিং অসী থেংনরকখিবনি হায়না ফোঙদোরক্লি। হোস্পিটাল অথোরিটিনা ফোঙদোরকপা মতূঙ ইন্না, লায়েংশঙ অসীদা লৈফম থোকপা ষ্টাফশিং ৱাৎপগী খুদোংচাদবা কয়ামরুম মায়োক্নরগা লৈরক্লি। ইক্বিপমেন্ট, ইনফ্রাষ্ট্রকচরনচিংবা কয়া ৱাৎলিবা অসীসু মেনখৎপিয়ু হায়দুনা লৈঙাক্কি মরী লৈনবা অথোরিটিদা ৱাকৎখ্রবসু ঙসী ফাওবা থবক পায়খৎপিরক্ট্রি হায়খি। দিষ্ট্রিক্ট হোস্পিটাল অসীদা পূন্না নর্স ৩৩ লৈফম থোকপদা শুপ্নগী নর্স ১০ খক লৈরি হায়নসু ফোঙদোরকখি হায়রি।
You may also like
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি