ঙরাং য়ৌরবুং ভিল্লেজ দেভেলপমেন্ট কম্মিটিনা শীন্দুনা লম্লাই কেন্দ্রগী এম এল এ খোংবান্তাবম ইবোমচানা য়ৌরবুং কম্যুনিটি হোল শঙ্গাখ্রে। নৌনা শাবা কম্যুনিটি হোল অদূ শঙ্গাবগী থৌরমদা এম এল এ অসীনা হায়, চাওখৎ-থৌরাংগী থবক অমা হেক পায়খৎলকপদা অয়েৎপা পীনবগীদমক থৌরাং তৌদুনা লৈবা মীওই মশীং য়াম্না লৈরিবা খুন্নাই অদু খূমাঙ চাওশীনবা, শান্তি লৈবা ঙম্লোই। মীয়ামগী খনবগী মহূত্তা মশাখক্কি য়েংলগা রাজনিতিরোমদা পুশিন্ননবা হোৎনরোইদবনি।মীয়ামগী মীহূৎ হায়বসি চহী মঙা-মঙাগী ওইনা খনবনি।
মীয়ামগী য়াইফনবা কেন্দ্রগী মীহূৎ অদুনা পায়খৎলকপা থবক-থৌরমশিংদা অয়েৎপা পীবিরোইদবনি। মদূগী মহূত্তা শৌগৎপিগদবনি। অসূম্না তৌরবদি চাওখৎ-থৌরাংগী হীরমদা খূমাঙ চাওশীনগনি, অশোয়বা য়াওরবসু থবক অদূ মায় পাক্নবা সজেসন পীবিয়ু হায়খি। মীয়ামগী মীহূৎনবু তৌরবদি অয়েৎপা পীননবা হোৎনবা, থবক্তু মায় পাকহন্দনবা হোৎনবা অসীগুম্বা থৌওংশিং চত্থহন্নিংদে হায়নসু ইবোমচানা ফোঙদোকখি। থোরমদুদি ৱাভিদিসি গী প্রসিদেন্ট এস ঐচ ইন্দ্রজিৎ, শওম্বুং জেট পিগী মেম্বর ওইরম্বা ৱাই ইবোহল, শওম্বুং জিপি গী চ্যেরপার্সন টি ঐচ সোনিয়া, শওম্বুং জি পিগী হান্নগী চ্যেরপার্সন এম ধনেস্বরনচিংবা শরূক য়াখি।
কম্যুনিটি হোল লৈতবগী খুদোংচাদবা কয়ামরুম মায়োক্নদুনা লাকখিবদু এম এল এ না হোৎনবিদুনা শাবিবগীদমক লৈকায় অদূগী মীয়াম্না এম এল এ ইবোমচাবু থাগৎপা ফোঙদোক্নখি।
You may also like
-
লৈখিদ্রবা এ আর পার্সনেল অনীগী মফমদা অরোয়বা ঈকায়খুম্নবা ঊৎখ্রে
-
গারি থেংজিন্নবদা শোকপদগী লায়কন্নখ্রে
-
লৈঙাক্না লমদমসিগী ইদুকেসনগী মচৎ থুগাইরক্লিবসী প্রাইভেটাইজেসন পাম্বগীরা: রবিকান্তা
-
চপ মান্নবা শিনফম অমদা মতৌ তম্নরকপা অসীনা খুদোংচাদবা কয়ামরুম মায়োক্নরি: গোবিন্দাস
-
মনিপুরদগী উলেনখোম্বা কোন্থৌজম্না সেল্লরি চাদা ২৫০ হেঙ্গৎহন্দুনা অনৌবা রেকোর্দ থমখ্রে