ম্যানমারদা জিও পোলিটিকেলগী ফীভম ফত্তবা হেঙ্গৎলকপা, চরাঙনবা মরক্তা মিলিটরি জুন্টা অমসুং প্রো-দেমোক্রেসি কাঙলূপশিংগা য়াম্না অকনবা মওংদা খূৎ থোক্নবগী থৌওং হেঙ্গৎলকপদগী,মফম অদূগী মীওই কয়া মশা-মশাগী পুন্সি হিংননবা লাঞ্জেন্নরকপদা, ম্যান্মারগা য়ূমথঙনবখক্তা নত্তনা ইন্টর কলচরেল রিলেসন অমা মহৌশাদগী লৈজরক্লবা, পারী-পুরীগী হৌরকফম তিন্নজরিবা মিজোরামদা চঙজফম লৌদুনা লৈরক্লিবা ম্যান্মার রিফ্যুজীগী মশীং অসী, নোংমা কাংদনা হেঙ্গৎলক্লি। হৌজিক রিফ্যুজিশিংগী ইস্যু অসী অরুবা ফীভম অমা মায়োক্নবা হৌরক্লে, রিফ্যুজীশিং অসীনা মিজোরাম লৈঙাক অমসুং মীয়ামদা অচৌবা পোৎলূম অমা ওইহল্লে হায়না ষ্টেট অসীগী চিফ মিনিষ্টর লালদুহোমা না নুংনাংবা ফোঙদোকখ্রে।
অহানবা ওইনা মিজোরামদা চঙলকখিবা মতমদদি মীশীং কা হেন্না য়াম্লমদবনিনা মখোয়গী লৈফম-চাফম পীবদা থোইনা অরুবা ওইরমদে অদূবু হৌজিকফাওবদা নোংমা কাংদনা রিফ্যূজিশিং চঙশীন্নরকপা অসীনা মরম ওইরগা মখোয়গী লৈফম-চাফম পীনবা হোৎনবদা য়াম্না খুদোংচাদবা অমা মায়োক্নরক্লি। ষ্টেট অসীদা লৈরিবা মীয়ামগী পুন্সিরোল অমসুং শেন্মিৎলোন্দা রিফ্যূজীগী ইস্যু অসীনা অপনবা কয়া থোকহল্লকপা মরম্না মিজোরামগী সিভিলিয়ানশিংগা মূক্নরকপদগী রিফ্যুজিশিং অসী ম্যান্মারদা অমুক হন্না চেনখিবসু য়াওরে হায়বা ৱাফম চিফ মিনিষ্টর অসীনা ফোঙদোকখি।
হৌজিক ওইরক্লিবা রিফ্যুজীগী ইস্যু অসীগী মতাঙদা সেন্টরনা মীৎয়েঙ চঙবিরক্ননবা হায়জখিবসু লৈখ্রে হায়না লালদুহোমানা মখা তানা ফোঙদোকখি।
You may also like
-
কুমশিং ২০২৯ গী জূন থাদা ইম্ফাল সীটি অসী ইন্দিয়াগী রেলৱে মেপতা য়াওবা অৱাং-নোংপোক্কি মঙাসুবা সহর ওইরগনি
-
মণিপুর সেনথোক লৌবা, কেডার অনৌবা লৌশিনবদ 야ওবা মিওই ৪ ফারে
-
খেমচান্দগী মিনিষ্ট্রি এক্সপান্সন তৌবগী ৱাফম লৈখাই তারবা য়াই, কৌরকপদগী দিল্লি পাংখ্রে
-
লম্বীগী এক্সিদেন্টতা নহা অমা শিরে
-
জপান্দা দিমেন্সিয়াগী কেস য়ামখৎলকপা মরম্না এ আইগী মতেং লৌগদৌরি