থা অসীগী অহুমগী নুংদাং পূঙ ৮ খরা হেল্লকপা অদুৱাইদা থৌবাল দিষ্ট্রিক্টকি মনূঙচন্না লৈরিবা মোইজিং মিনা বজার থোংখোংদা দ্রগ কারবার তৌবনি হায়বা মীওই অমনা থাঙনা থিল্লকপদা দিষ্ট্রিক্ট পুলিস কম্মান্দো থৌবালদা এটেচ তৌদুনা লৈবা, মরিশুবা আই আর বিগী হবিল্ডার অমা লায়কন্নবা ঙমদনা লৈখিদ্রে হায়না পুলিসতগী ফংবা পাউ অমদা খঙহল্লক্লি।
মিনা বজারগী থোংখোং অদূদা দ্রগকা মরী লৈনবা থবক-থৌরম খরা চত্থগদৌরে হায়বা পাউ অমা ফংবদগী থৌবাল ডিষ্ট্রিক্ট পুলিসকি কম্মান্দো টিম অমনা মফমদুদা চঙশীন্দুনা অচৎ-অওকশিং চেক তৌদুনা লৈরিঙৈদা আল্টো কার, রেজিষ্ট্রেসন নম্বর এম এন ০১ এ কে ৩০৮৯ হায়রিবা গারি অসী খামদুনা চেক তৌবা হৌরকপদা, গারিদুদা লাকপা মীওই অহুমগী মনূঙদগী মীওই অমনা হবিল্ডার খোইরোম সূরেস কৌবা অমদা থাঙনা থিল্লম্লবা মতূঙদা অমম্বগী খুদোংচাবা লৌরগা, কার অদূ হুন্দোক্লম্লগা নান্থোক্তুনা চেনখিবনি হায়না খঙহল্লক্লি। অশোকপা হবিল্ডার খোইরোম সূরেস, থৌবাল দিষ্ট্রিক্ট হোস্পিটালদা পুখত্তুনা লায়কন্নখি অদূবু মহাক্কি অশোকপা অদুনা মরম ওইদুনা নুংদাং পূং ৯ খরা হেল্লকপদা লৈখিদবনি হায়রি।
অহেনবা সেক্যুরিটি ফোর্স কি কম্বাইন টিম অমনা থৌবাল মোইজিং লৈঙোয়জিন এরিয়াদা মখাতানা ওপরেসন চত্থবদা মেইন এক্যুজ ওইরিবা এম দি নাউবী এল্লাইজ মাহিদ (২৫) অসীগা লোয়ননা থৌদোক্তুদা চেন্নবনি হায়বা, মোইজিং মাইবম লৈকায়দগী সল্মান খান (৩০) অপোকপা অল্লাউদিন কৌবা অমগা,মীওই অনী ফাগৎপা ঙমখি। অহুমশুবা এক্যুজ অদূ ফাগৎনবা পুলিসনা অকনবা থবক লৌখৎলি হায়না পুলিসনা ফোঙদোরক্লি।