ষ্টেটকি সোসিয়ল ৱেলফ্যের দিপার্টমেন্ট না মীয়ামগী স্কিম কয়া পায়খৎপা লেপত্রি: শৈখ অব্দুল হাকিম

মনিপুর লৈঙাক্কি মখাদা লৈরিবা ষ্টেট সোসিয়ল ৱেলফ্যের দিপার্টমেন্টনা সধারন মীয়াম, মরূওইনা নূপীশিং, অঙাঙশিং, লূখ্রাবী, মীমান্নদ্রবশিং, কনা লৈজদ্রবা মীওইশিং অমদি অহল ওইরবা -ওইরবীশিংগীদমক তোঙান তোঙানবা মখলগী য়াইফা-থৌরাংশিং পায়খত্তুনা লাক্লি হায়না দিপার্টমেন্ট অসীগী দিরেক্টর ওইনা লৈরিবা শৈখ অব্দুল হাকিম্না ফোঙদোকখ্রে। ইম্ফালগী নিট্যাইপাৎ চুথেক্তা লৈরিবা দিরেক্টরেট ওফ ইনফোর্মেসন এন্দ পব্লিক রিলেসন্স +দি আই পি আর) গী ওদিটোরিয়মদা পাঙথোক্লিবা “মিট দি প্রেস” থৌরমদা দিরেক্তর অসীনা ঙরাং পাউমীশিংদা ৱাফম অসী ফোঙদোকখিবনি।

সোসিয়েল ৱেলফেয়র দিপার্টমেন্টগী জোইন্ট দিরেক্তর জিটেস্বর কৈশাম, জোইন্ট দিরেক্তর এন বিনোবালা, দিপ্যুটি দিরেক্তর এন সরোজা, দিপ্যুটি দিরেক্তর এন ধনেশ্বরসু থৌরমদুদা দিরেক্টরগা লোয়ননা শরূক য়াখি। দিরেক্তর শৈখ অব্দুল হাকিম্না মখা তানা হায়, হৌজিক ষ্টেট অসীগী তোঙান তোঙানবা মফমশিংদা ষ্টেট লৈঙাক্কি মখাদা লৈরিবা সোসিএল ৱেলফেয়র দিপার্টমেন্টনা অঙ্গনৱাদি সেন্টর ২৪০০ হাংদোক্তুনা, স্কুলদা চত্তুনা লাইরিক তম্বা হৌদ্রিবা নৌরিবা অঙাংশীংদা মহৈ-মশিন তাকপিবা হৌবগা লোয়ননা মখোয়দা মচি ওইবা চিঞ্জাক পীজা-পীথক তৌদুনা তুংগী মতীক চাবা, তীঞ্জঙ-কায়জঙদবা অফবা খুনাই অমা শেমগৎনবা থবক পায়খৎলি।

মহাক্না মখা তানা হায়, সেন্ট্রেল স্পোন্সর স্কিমশিং মনিপুরগী মফম কয়াদা পায়খৎলক্লি। তোঙান তোঙানবা সেন্টরগী মিনিষ্ট্রিশিংদগী শেন্থং লৌথরগা মীয়ামদা কান্নগদবা য়াইফা থৌরাং কয়াসু পায়খৎলক্লি হায়বা ৱাফমশিং ফোঙদোকখি।