আউটর মনিপুর পারলিয়ামেন্টরি কন্সটিট্যুয়েন্সিগী লোক সভা এম পি ওইরম্বা দা. লোরহো এস ফোজে এন পি পিদা জোইন তৌখ্রে। মহাক্না পোলিটিকেল পার্টি অসীদা নৌনা য়াওরকপদা পার্টিগী নেস্নেল প্রসিদেন্ট সু ওইরিবা মেঘালয়াগী চিফ মিনিষ্টর কোনরাদ কে সংমানা মহাকপু তরাম্না ওকখ্রে। শক্নায়রবা মনিপুরগী পোলিটিসিয়ান অসী মনিপুরগী ফূরূপ কয়ানা মপূঙফানা শৌগৎলিবা মীওই অমনি।
মহাক্কি লুচীং মখাদা এন পি পিনা মনিপুরগী অমসুং অৱাং-নোংপোক্তা লৈরিবা মীয়ামগী থৌগল মপূঙফানা তৌবা ঙম্লগনি হায়না সংমানা ফোঙদোকখি। লৈখিদ্রবা এন পি পিগী লূচীংপুরেল পুর্নো আজিটোক সংমানা ৱান ভোইস, ৱান নোরথ ইষ্ট হায়বা ৱাখল্লোন্দা লিংখৎপিরম্বা পোলিটিকেল পার্টি অসী ঙসীদি অৱাং- নোংপোক্কি মীয়াম্না নোংমা-নোংমগী পাম্নরকপা হেঙ্গৎলকপনা লমদম অসীগী কাচিন-কোয়া য়ৌনা মশা-মরেং ফন্না শন্দোরক্লে হায়নসু সংমানা ফোঙদোকখি।
থৌরমদুদা ৱা ঙাঙবদা দা. ফোজেনা হায়, পি এ সংমানা ইন্দিয়াগী অৱাং- নোংপোক্কি অপূনবা শক্তম অমা শাগৎনবা, লমদমসিদা লৈরিবা কাঙলূপশিংগী ওইনা অপূনবা নুংশিনবগী মরী চেৎশীন্ননবা অমদি চাওখৎপা পুরক্নবা পান্দমদা লিংখৎলম্বা পার্টি অসীনা মনিপুরগী য়েলহৌমীশিং অমসুং সেদ্যুল্ড ট্রাইবকি য়াইফনবা থৌরাং কয়া লৌখৎলক্লি। মতূঙ তারকপদসু মীয়ামগী য়াইফনবা থবকশিং মখাতানা পায়খৎলগনি হায়খি।
You may also like
-
ইম্ফালদা নেস্নেল ফার্মাসি চয়োল পালন পাঙথোকখ্রে
-
মীয়ামদা কিহল্লিবা কাঙবূগা মরী লৈনদে: রঞ্জিৎ
-
ওফিসারশিং পাক-সন্না ট্রান্সফর তৌননবা ই সি আইনা খঙহল্লকখ্রে
-
মেরা হৌ চোংবা থৌরম্না লমদমসিদা তঙদূ লৈতাবা পুরক্লসনু : নিংথৌ সনাজাউবা
-
সি এম খেমচান্দ না সূ দেজিগনেটেদ কেম্প তা হকথেঙননা চত্তুনা য়েংশিনবা মনিপুরগী অহানবা চিফ মিনিষ্টর ওইরে