কুকি- জো কাউন্সিলনা নেস্নেল হায়ৱে হাংদোকপগী এগ্ৰিমেন্ট ৱিথদ্রো তৌখ্রে

হৌখিবা সেপ্তেম্বর ৪ দা য়ুনিয়ন হোম মিনিষ্টর অমিট শাহা য়াওনা মিনিষ্ট্রি ওফ হোম এফ্যের্স অমসুং কুকি- জো কাউন্সিলগী মরক্তা য়ান্ন- চেরোল খূৎয়েক পীনদুনা, মতম কুইনা কুকি- জো কাঙলূপকি মিলিটেন্ট শিংনা থিংজিন্দুনা লাকখিবা নেস্নেল হায়ৱে নম্বর-২ মপূঙফানা খূদক্তগী হাংদোকপা অমসুং লম্বী অসীদা অপন- অরাক অমত্তা লৈহন্দনা ফ্রী মূভমেন্ট তৌহনবগী ৱাফম অদূ চৎনররোই হায়না কুকি- জো কাউন্সিলনা ফোঙদোরক্লে।

হন্দক প্রাইম মিনিষ্টর নরেন্দ্র মোদিনা থা অসীগী ১৩ দা ইম্ফালদা লাক্লম্লবা মতূঙ নুমিৎ নীনী লৈরগা কুকি- জো কাউন্সিলগী চেরোল অসী থাদোরকপনি। কাউন্সিল অসীনা নেস্নেল হায়ৱে হাংদোক্নবগী মতাংদা সেন্তরগা খূৎয়েক পীনরুবা অদুবু য়ানিংদবা ফোঙদোক্তুনা কুকি- চিন কাঙলূপকি মীয়াম্না অকনবা, হীঙশা য়াওবা ঈরাং কয়া চত্থরকখিবা চৈরক্তা কাউন্সিলনা মখোয়গী অনৌবা ৱাফম অসী লাউথোরক্তুনা মরৈ অনী লোঙলকপনি।

সেপ্তেম্বর মরিদা য়ুনিয়ন হোম মিনিষ্ট্রিগা অসীগুম্বা মখলগী এগ্ৰিমেন্ট অমত্তা সাইন তৌনখিবা লৈতে। হৌজিক লৈরিবা বফর জোনশিং ঈকায় খুম্নগদবনি। মসিবু ঈকায় খুম্নদবশিং অফবা ফল ফংলোই। নেস্নেল হায়ৱে নম্বর- ২ হাংদোক্লে অমসুং হায়ৱে অসিদা ফ্রী মূভমেন্ট চৎনরগনি হায়না কাউন্সিল অসীনা লাউথোকখিবসু অমত্তা লৈত্রি হায়না ফোঙদোরক্লি।

নেস্নেল হায়ৱে অসিদা ফ্রী মূভমেন্ট য়াননবা কনাগুম্বা মীওই অমত্তদা পার্মিট পীখিবসু লৈত্রি । কুমশিং ২০২৩ গী মে ৩ দগী থোক্লকখিবা হীঙশাগী ঈরাং অসীগী মতাঙদা মৈতৈশিংগা য়ানবা অমা পুরক্ট্রিবফাওদি হায়ৱে হাংদোকপগী ৱাফম অমত্তা লৈরোই হায়রি।