মনিপুর লৈঙাক্কি হোম দিপার্টমেন্ট অমসুং সেন্সস দিরেক্টরেট না পীরকখিবা আর টি আইগী পাউখুমদা য়ূম্ফম ওইদুনা, মনিপুরদা এন আর সি তৌখিদে হায়বা অরানবা ৱাফম অমা এম পি দা.অঙোমচা বিমোল অকোয়জম্না ফোঙদোরকখিবদু করম্বা ৱাখল্লোন্দা ফোঙদোরকপনো হায়না সি এস ও -১৪ গী কনভিনর ওইনা লৈরিবা সান্ত নহাকপম্না ফোঙদোকখ্রে।
ইম্ফালগী কৈশাম্পাত্তা লৈরিবা ইপসাগী ওফিসতা ঙরাং পাঙথোকখিবা পাউগী মীফমদা সান্তনা ৱাফমসি থমখিবনি।মহাক্না হায়, কুমশিং ১৯৫১ দা অসাম, মনিপুর অমসুং ত্রিপুরাগী এদমিনিষ্ট্রেটিব রিপোর্ট তা সেন্সস অমসুং এন আর সি অনী অসী পূন্না পায়খৎমিন্নখি হায়বসি ময়েক শেংনা ফোঙদোক্লি। এন আর সি তৌখিবগী শেনফম কাইথোকখিবা, সেন্সসকা মসীগা পূন্না তৌমিন্নখিবা অমসুং ক্বেসন্যের কয়ামরুম ককপা অমদি কক্তবগী ৱাফমশিং য়াওরি।
মহাক্না, লো মেকর অমা ওইনা অসীগুম্বা রিপোর্ট অসী পুথোক্লগা পার্লিয়ামেন্ত দা ৱা ঙাঙফম থোক্তব্রা হংখি।সেন্সস অমদি এন আর সিগী মতাঙ দা থবক তৌরিবা লূপশিংবু অরানবা তাহন্নবা হোৎনরকপা য়ারোই হায়না সান্তনা ফোঙদোকখি। অঙাঙদা লাইরিক তাকপগী মতৌগুম মীয়ামদা ৱা ঙাঙবদা মীয়াম্না শোয়দনমক য়ারগনি হায়না খল্লোইদবনি।রাজনিটি তৌরিবা খরনা এন আর সি অমসুং সেন্সসকি মতাঙদা মীয়াম্বু লান্না লমজীঙনবা হোৎনরি হায়না সান্ত না থমখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি