দাইমন্দ দোনর্স গী মেম্বর অমা ওইনা লৈরিবা নম্বোল হৈনৌবোক্তগী নামোইজম সুর্জিৎকি চহী অহুম মখায়খক্তা ঙায়রিবা মচানুপা, মাষ্টর অথোয়বগী লায়েংবদা মতেং ওইনবগীদমক শেল ওইনা লূপা লীশীং হুম্ফু খূৎশীন্নখ্রে। মাষ্টর অথোয়বা অসী হৌজিক হৌজিক কেন্সর নাদুনা ইম্ফালগী রিজনেল ইন্সটিট্যুট ওফ মেদিকেল সাইন্সেস (রিম্স) তা লায়েংদুনা লৈরিবনি।
তেঙবাং পীবগী খোঙচৎ অদূদা দাইমন্দ টি ভি ৱাহোঙ রেদিওগী মেনেজিং দিরেক্টর ওইনা লৈরিবা জেম্স হৈক্রুজম্না হায়, অথোয়বা পোকপা নুমিত্তা মহাক্কি অপোকপা সুর্জিৎনা মচানূপাগী মিং অমত্তা থোনবিনবা খঙহল্লকপদগী ‘অথোয়বা’ হায়বা মমীং অদূ থোনবিখিবনি। মশাগী চহী অহূম খক্তা ঙায়রিবা নূপামচা অসী কেন্সরনা নাদুনা লৈরে হায়বগী পাউ তাবদগী দাইমন্দ টি ভি য়েংবিরিবা, ৱাহোং রেদিও তাবিরিবশিং, দোনর মেম্বরশিং অমসুং মীয়াম্না ঙমজবা শেনখাই পুথোক্নদুনা অথোয়বগী লায়েঙবদা মতেং পাংবনি।
পদ্মশ্রি নামৈরাকপম কুঞ্জরানি, ৱাংখৈময়ুম নন্দিনি, ঈমাশী সোরোজিনিনা চাউনা মতেং পাংবিরকখি হায়বা ৱাফমশিং জেম্স না ফোঙদোক্লদুনা, মতেং পাংবিরকখিবা মীওইশিংবু মহাক্না থাগৎখিবগা লোয়ননা তৌবিমল ঊৎখি। দোনর মেম্বরশিংনা থা থাগী লূপা ১০০/১০০। খায়নরগা অৱা-অনা তারকপদা মতেং পাংবগী থৌশিল অদূ পায়খৎপনি হায়না মহাক্না মখাতানা ফোঙদোকখি।