মনিপুরগী এম এল এ, মিনিষ্টরশিংনা ঐখোয়গী মীয়াম অসী করম্না নুঙাইহনগদগে হায়বদু খন্থগদবনি: এল তোম্বা

মীয়ামগী লুচিংবা ওইনা লৈরিবা ঐখোয়গী এম এল এ, মিনিষ্টরশিং অসিনা মতৌ করম্না সেন্টরগী লুচিংবশিং, মরূওইনা প্রাইম মিনিষ্টর, হোম মিনিষ্টরনচিংবদা খঙহন্দুনা ৱাখল তাহল্লগা, মনিপুরগী অৱাবা নংলবা মীয়াম অসী শান্তি লৈনা, নুঙাইনা লৈহনশিগে হায়বদু খন্থগদবনি হায়না সোসিয়েল ৱার্কর অমসু ওইরিবা, ফাউন্দেসন ফোর রুরেল অর্বান দেভলপমেন্ট গী প্রসিদেন্ট এল তোম্বনা ফোঙদোকখ্রে। মীয়াম অসী ৱাবনা খম থেংলে, নোংমদা চরা অমফাওবা চাননবা পৈশা তানবা ঙমহন্দ্রে। মৈতৈ, নাগা, মৈতৈ-পাঙলগী, কুকিগী মশা-মশাগী ওইবা এরিয়াশিং লৈজরবসু চত্থোক-চৎশীন তৌবা য়াহন্দনা লৈরক্লিবসি চহী অহূম মপূঙ ফারক্লে। সেন্টর অমদি ষ্টেট লৈঙাক্কি মপী -মপা ওইরিবশিংনা মশা-মশাখক্কি নুঙাইরগা লোইরে, ঈমূঙ-মনূঙগী শোয়দ্রগা লোইরে, মীয়ামগীদি খঙদে হায়বা ৱাখল্লোন্না মাঙদা থম্লগা থবক তৌরিবমখৈ মনিপুরগী মীয়াম অসী অসুম হেন্না ৱাখিগনি। হৌজিক মীয়াম অসী ৱাবনা খম থেংলবনি।

মৈগী, ঈশীংগী অমদি চাকথোঙ গ্যাসকি মমল অতিয়া পক্না ৱাংখৎলক্লি অদুগা অমরোমদনা লায়রবা মীয়াম অসীগী থবক শুফম-নোম্ফমদি লৈরক্ট্রে । ঈরাং অসীনা মরম ওইরগা চৎথোক -চৎশীন তৌবদা অপনবা কয়া মায়োক্নরক্লি। মসী খূদীংমক চিফ মিনিষ্টরনসু খন্থবিরগা মীয়াম অসী পূন্না হিংমিন্ননবা, মহৌশাগী শক্তমদা হঞ্জিলহন্নবা থবক পায়খৎপিয়ু হায়না তোম্বনা আপিল তৌরক্লি। মীয়াম্নসু ৱাখল তামিন্নবা মথৌ তাই।পেন্দবগী খোঙচৎ অমা চৎপা মতমদা দেমোক্রেটিক ওইবা মওংদা, লৈবাক মচা তানা, শান্তি অমসুং পূন্না, নুংশি-চাননা হিংমিন্নবা হায়বসিনা ইশা-ঈশাগী থম্মোয়নুংদা থাগোন্নরগা চঙশীনমিন্নসি। কা হেনবা থবকশিং চত্থরুবা তারবদি ঐখোয়গী অনীংবা অপাম্বা ফোল  ফংবগী মহুত্তা ওন্ন-তৈনবরোমদা চৎখিবসু তম্বা ঙমদে হায়খি।

ঈশাগী লৈজরিবা লম, লৌ-ইংখোলনচিংবা য়োঞ্জবদা অমসুং বন্ধান থমজগে হায়বদা সেক্রেটরিয়েট য়ৌনা প্রোসেস তৌহনগী মচৎ অমা মমাঙগী লৈঙাক মতমদা হৌদোক্লম্লিবা নিতি অসীনা লায়রবা লৌমী- শিন্মিশিংদা অৱাবা পীবা হায়বদু ওইরি। ঙসীগী লৈঙাক্না, ৱারবা মীয়ামগী য়েংবিরগা অসীগুম্বা থৌশিল অসী শেমদোক্নবা খোঙথাঙ লৌখৎপিয়ু হায়না তোম্বনা মরী লৈনবশিংগী মীৎয়েং চিংশিল্লক্লি।