মনিপুরগী কলচরেল শো ঊৎপা য়াহনখিদ্রে, ৱাকৎ থাঙ্গৎখ্রে

দিল্লিদা লৈবা কামনি ওদিটোরিয়মদা ঙরাং পাঙথোকখিবা কলচরেল শো অমদা পার্ফোমেন্স পীগদবগী ঙাইদুনা লৈখিবা মনিপুরগী ফোল্ক দান্সকি টিম অমা, দিল্লি পুলিসনা অথিংবা থম্লকপদগী পার্ফোমেন্স ঊৎপা ঙমখিদ্রে। ঈরাং মায়োক্নরগা লৈরিবা লমদমদগী লাকপা মরম্না পার্ফোমেন্স ঊৎপদা খুদোংথিবা থোকপা য়াই হায়বগী চিংনবা লৈবদগী মনিপুরগী কলচরেল ট্রূপ অদু অথিংবা থমখিবনি হায়না পুলিসনা ফোঙদোকখি হায়রি। দিল্লি পুলিসকি থৌওং অদূ মরম চাদবা অমনি, তৌফম থোক্তবা থৌওং নি হায়না মায়কৈ কয়াদগী য়ানিংদবা ফোঙদোক্নরকখি।

খুদোংথীনিঙাই ওই হায়বগী চিংনবা লৈরবদি অহেনবা সেক্যুরিটিগী চেকশীন-থৌরাং লৌখত্তূনা ঙাক-শেনবিফম থোকপনি। অহীঙ-নুংথিল খায়দনা আর্টিষ্টশিংনা য়াম্না কন্না হোৎনজরগা কলচরেল শো অদূ ঊৎননবা হোৎনরকখিবনি। মদূ পূম্নমক অরেম্বা তাহল্লে। আর্টিষ্টশিংগী মোরেল দাউন তৌহল্লে।জন্তর মন্তরগুম্বা মফমদদি মীয়াম্না খোল্লাউ কয়াগা লোয়ননা অকনবা খোঙজঙ চঙশীনবদা অথিংবা অমত্তা থমদ্রগা আর্টিষ্ট শিংনা কামনি ওদিটোরিয়মদা কলচরেল শো ঊৎপদা খুদোং থীনিঙাই ওই হায়বসি মনূঙদা অরোনবা এজেন্দা অমগী মখাদা চত্থরকপা থৌশিল ওইগনি হায়না মায়কৈ কয়াদগী পেন্দবা, য়ানিংদবা ফোঙদোক্নখি।

কলচরগী লমদা তোমথিন ওইনা মালেম্না শকখঙনরিবা মনিপুরগী আর্টিষ্ট শিংবু ঈকায়বা পীদুনা মোরেল হন্থহনখিবা দিল্লি পুলিসকি থৌওং অদূ করিগীনো হায়বদু শেংদোকহনগদবনি হায়না অকনবা ৱাফম মীয়াম্না ফোঙদোক্নখি। হীরম অসীগী মতাঙদা রাষ্ট্রহিট সরভোপারি সঙ্গাথনগী মায়কৈদগী দিল্লি পুলিসকি মথক্তা য়ুনিয়ন হোম মিনিষ্টর, দিল্লিগী চিফ মিনিষ্টর অমদি নেস্নেল কেপিটেল অসীগী লেফটেনেন্ট গভর্নরদা অইবা ৱাকৎ চেরোল থাঙ্গৎখ্রে হায়রি।