ইন্দিয়াগী দিজিটেল পেমেন্ট ইকোসিষ্টেম অসী মখাতানা গ্ৰোথ হেঙ্গৎলক্লি। নেস্নেল পেমেন্টস কোর্পোরেসন ওফ ইন্দিয়া (এন পি সি আই) না অশোয়-অঙাম য়াওররোইদবা ওনলাইন ট্রাঞ্জেক্সনশিংগী মতাঙদা কঞ্জুমর্স এৱ্যের্নেস প্রোগ্ৰামশিং পাক-শন্না পাঙথোক্তুনা লাক্লি।সাইবর ফ্রাউদ অমসুং পেমেন্টগা মরী লৈননা স্কাম কয়া চত্থনরক্লিবা চৈরক্তা এন পি সি আইনা শীঙনবা কয়া অসী নাচুংলুদনা অসীগুম্বা এৱ্যের্নেস কয়ামরুম পাঙথোক্তুনা কঞ্জুমরশিংগী মীৎ-নাকোং শিংননবা, ৱাখল লৈনা ট্রাঞ্জেক্সন চত্থবা ঙমজনবা থৌরাং মঙা পুথোরক্লি।
দিজিটেল পেমেন্ট প্লেটফোর্মশিংদা য়ুজরশিংনা ওপরেট তৌবদা অশোয়-অঙাম য়াওহন্দনবা মরূওইবা সেফটি প্রেক্তিস মঙা লাউথোরকপনি।শেল ফংগদৌরিবা রিসিপিয়েন্ট অদূগী মমীং হান্না ভেরিফাই তৌদ্রিঙৈদা পৈশা কাপ্লোইদবনি। ওফিসিয়েল পেমেন্ট এপ্লিকেসন নত্রগা ওফিসিয়েল ৱেবসাইটখক্তদা দিজিটেল পেমেন্ট তৌগদবনি।য়ু পি আই পিনশিং, ও টি পিশিং নত্রগা বেঙ্ককা মরী লৈনবা মরূওইবা ইনফোর্মেসন অমত্তা শকখঙদবশিংদা সিয়র তৌবিগনু হায়রক্লি।
গভর্নমেন্ট এজেন্সি, পুলিস দিপার্টমেন্ট, বেঙ্ক ওফিসিয়েলনি হায়না কোল তৌরকপা নত্রগা এস এম এস থারকপা তারবদি স্ক্রিনসোট লৌরগা থম্বিয়ু। মসিনা ইনভেষ্টিগেসন প্রোসেসতা য়াম্না কান্নহনগনি হায়বা ৱাফম থম্লক্লি। দিপার্টমেন্ট ওফ টেলিকম্যুনিকেসনগী খূত্থাঙদা নত্রগা নেস্নেল সাইবরক্রাইম গী হেল্পলাইন নম্বর ১৯৩০ দা কমপ্লেন্ট তৌবা কাউবিগনু হায়বা ৱাফমশিং খঙহল্লক্লি।
You may also like
-
লূৱাংশঙবমদা শেমগৎলিবা ইন্দোর ক্রিকেট ট্রেনিং ফেসিলিটি পি এম্না শঙ্গাখ্রে
-
শিদ্রিফাওবা চরা হেনবগী খোঙজঙ হৌরগনি: প্রেমজিৎ
-
সি এম য়াওনা বি জে পিগী মিনিষ্টরশিং, এম এল এ অমদি থৌমী পূম্নমক খোংজোম দে থৌরমদা শরুক য়াবদা অথীংবা থম্লে: কোকোমি
-
প্রিথীবিরাজগী য়ূমদা লেম্না মীৎ লায়েংবগী কেম্প পাঙথোকখ্রে
-
শূমাঙ লিলাগী শক্নায়রবা আর্টিষ্ট ককচীং কোমোল লৈখিদ্রে