ইম্ফাল ইষ্ট দিষ্ট্রিক্টকি মনূঙচন্না লৈরিবা মিনুথোং হাফিজ হাট্টাদা লৈবা মৌলানা অব্দুল হাফিজ নদৱি মশাগী অনাবা অমদগী লৈখিদ্রে। মহাক্না মনূঙ-মতম চাদনা লৈখিদবদা মায়কৈ কয়াদগী অৱাবা, নুঙাইতবা ফোঙদোক্নরক্লি।
ইস্লামিক দেভেলপমেন্ত কাউন্সিল, মনিপুরগী সেক্রেটরি দা. রিয়াজুদ্দিন ফলাহীনা খূৎয়েক পীদুনা থাদোরকখিবা অৱাবা ফোঙদোকপগী চেরোল অমদা হায়, লৈখিদ্রবা ইস্লামিক স্কোলার অসীনা ইস্লাম লাইনিং চাওখৎহন্ননবা হোৎনরম্বতা নত্তনা মীয়ামগী ইদুকেসন, য়ূম্লৈ-কৈরৈ, শেল-থুমগী ফীভম ফগৎহন্নবা হনবা নাইদনা, মীয়ামগী লুচিংবা অমা ওইনা হোৎনরম্মি।
চেরোল অসীনা মখাতানা হায়, মৌলানা অব্দুল হাফিজনা ৱক্ফ বোর্দ মনিপুরগী মেম্বর; ইস্লামিক দেভেলপমেন্ত কাউন্সিল (আই দি সি) মনিপুরগী প্রসিদেন্ট, ওল ইন্দিয়া মুস্লিম পার্সনেল লো বোর্দ কি মেম্বর, সদর বজার ইম্ফালগী মেম্বর অসীনচিংবা ওইদুনা মীয়ামগী থবক-থৌরম কয়াদা শরূক য়ারমখি। লৈখিদ্রবগী থৱায়না মপূগী লৈকোলদা খ্বাইদগী থাক ৱাংনা নুঙাইরবা মফমদুদা থম্বিবা ওইরসনু হায়বা ৱাফম ফোঙদোরক্লি।
You may also like
-
ব্রিটিসনা কংলা খূদূম চনখিববু ঈপসা না অমম্বা নুমিৎ হায়না পালন থৌরম পাঙথোকখ্রে
-
চিফ মিনিষ্টরগী ৱাফম অরানবনি, সেন্সস তৌদ্রিঙৈদা এন আর সি হান্না পায়খৎকদবনি: জে এফ দি
-
ঊরীপোক্কি লূপশিংনা মীয়ামদা আপিল তৌরক্লি
-
শরূক য়াখিবা লৈতে, লান্না উহনবিগনু: মৈরা লূপ
-
ঊখ্রূলদা অরম্বাই তেঙ্গোল লৈরে হায়রকপা ৱাফম য়ূম্ফম য়াওদবনি: খাবা মঙাঙ