হৌখিবা কুমশিং ২০২৩ গী মে অহুমদগী ঙসীফাওবা লেপ্পা লৈতনা থোক্লিবা মনিপুরগী হীঙশা অসী মতম খরা ঈংথরুরবসু নৌহৌননা তঙদূ-লৈতাদবা ফীভম মায়োক্নরকপা, মীশী-মীনা কয়া থোক্লকপা অদুগা তাঙ্খুল-কুকি কাঙলূপকি মরক্তা হৌখিবা ফেব্রুয়ারি ৭ তগী নৌনা অমুক হীঙশা থোরক্তুনা মীওই কয়ামরুম শিবগী থৌদোকশিং অসীগা মরী লৈননা য়ুনিয়ন হোম সেক্রেটরি গোবিন্দ মোহন্না লৈঙাক্কি মকোকথোংবা ওফিসিয়েলশিংগা লোয়ননা সেক্যুরিতি রিভ্যু মিটিং পাঙথোকখ্রে।
ভিদিও কনফরেন্সিংগী খুত্থাংদা পাঙথোকখিবা মীফমদুদা ইন্টেলিজেন্স ব্যুরোগী দিরেক্টর তপন দেকা, অসাম রাইফল্সকি লেফটেনেন্ট জেনরেল ভিকাশ লাখেরা, দিরেক্তর জেনরেল মিলিটরি ওপরেসন্স অভিজিৎ এস পেন্ধরকর, অমদি সেন্ট্রেল অমসুং ষ্টেট লৈঙাক্কি মকোকথোংবা ওফিসারশিং শরুক য়াখি।
নৌনা হীঙশা থোক্লিবা ঊখ্রূল দিষ্ট্রিক্ট তা হন্দক ঈনৌ নৌবা খোঙথাঙ ওইনা অসাম রাইফল্সকি কলম ৯ থাজীনখ্রে হায়না লৈঙাক্কি মকোকথোংবা ওফিসিয়েল অমনা ফোঙদোকখি। মনিপুরগী হীঙশাগী ঈরাঙ অসী থেংননবা লৈরকখিবা সেন্ট্রেল আর্ম পুলিস ফোর্স (সি এ পি এফ) পার্সনেল ৮,৫০০ হৌজিক ৱেষ্ট বেঙ্গলগী মীখলদা ঙাক-শেন্ননবা লৌথোকখিবদগী মফম কয়াদা সেক্যুরিটি ফোর্স কি অৱাৎপা মায়োক্নদুনা লৈরিবনি।
মনিপুরগী হীঙশাগী ঈরাঙ অসী লাকখিবা মতমদগী এ আর য়াওনা সেন্ট্রেল ফোর্স পার্সনেল ৩৬,০০০ খরা হেন্না মনিপুরদা থাজীল্লকখ্রবনি।
You may also like
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে
-
ৱারী লীবা ফেষ্টিভেল লোইশিনখ্রে
-
ৱার্ল্ড ইনভাইরনমেন্ট ৱীক পাঙথোক্তুনা লম-তু শেংখ্রে, উ চারাশিং থাখ্রে
-
ফ্রী মেদিকেল কম হেল্থ টোল্ক প্রোগ্ৰাম পাঙথোকখ্রে
-
ঈমূঙ ৬০ গী মীওই ১৮০ হেন্না আই এন সীদা য়াওরকখ্রে, তরাম্না ওকখ্রে