ইম্ফাল -উখ্রূল লম্বী, নেস্নেল হায়ৱে-২০২ দা, চৎলিবা এপ্রিল থা অসীগী ১৮ দা কুকি মিলিটেন্টশিংনা নোংমৈ কাপশীল্লকপদা লৈখিদ্রবা নাগা ফূরুপকি মীচম অনীগী মতাংদা য়ুনাইটেদ নাগা কাউন্সিলনা কৌখিবা নুমিৎ হুম্নিগী টোটেল সটদাওন, অদু হৌখিবা অহীঙ নোংয়াইদা লোইশিনখ্রে। ট্রোংলাউবি মীহাৎকি মতাঙদা তম্পাক্কি মৈরা পায়বীশিংনা কৌখিবা নুমিৎ মঙানিগী টোটেল সটদাউন অদুসু হৌখিবা অহীঙদা লোইখ্রে। য়ু এন সিগী নুমিৎ হুম্নিগী টোটেল সটদাওন অদূ চত্থরিঙৈ, ঙরাং নুমিৎ য়ুংবা মতূঙদা সপরমৈনা পুলিস ষ্টেসনগী মনূঙচন্না লৈরিবা কংলাতোংবিদা মনিপুরি লোন শুকখঙ খঙদবা কুকি ফূরুপকি নূপামচা অনী চঙশীল্লকপদগী, সটদাওনগী খোঙজঙ শৌগত্তুনা লম্বী থিংলম্বা নাগা ভল্লুন্টিয়রশিংনা ফাজিন্দুনা থম্লবা মতূঙদা ৱাহং-পাউহং চত্থখিবগা লোয়ননা মখোয় অনীনা তোংলকখিবা রোয়েল ইনফীল্ড অমা মৈ থাদোকখ্রে।মখোয় অনীমক মৈতৈলোল অমত্তা খঙদে হায়রি অদুগা আধার কার্দনচিংবসু অমত্তা লোয়নরকখিদে হায়না পাউ অসীনা ফোঙদোরক্লি।
নূপামচা অনীদূ চহী ২০ গী মখা ঙাক্তা ওইনা তৌই হায়রি।পাউ অদূ ফংবদগী সেকমাই পুলিসকি টিম অমা মফমদুদা চঙশীল্লক্লগা মীওই অনীদু মীয়ামগী খূত্তগী অশোয়-অঙাম অমত্তা য়াওদনা কনবা ঙমখি।মদূগী তুংদা নহা অনীদু সেকমাই পুলিসকি কাঙবূনা সপরমৈনা পুলিস তা, পাউ ফাওনরবা মতূঙদা, খূৎশীন্নখ্রে হায়রক্লি।
You may also like
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম
-
তেলিপতিদা লৈঙাক্কি অথোরিটিগা মীয়াম অনীগী মরক্তা মূক্নখ্রে
-
কম্বাইন্দ সেক্যুরিটি টিম্না খূৎলায় কয়ামরুম রিকোভর তৌখ্রে
-
য়োগগী থৌরমশিং মনিপুরদসু পাক-সন্না পাঙথোক্নখ্রে
-
লৈঙাক্না লম্বী শেম্বা মতমদা ফুটপাৎ শোয়দনা থমগদবনি:সুপ্রিম কোর্ট