মমাগী মথানুংদা তূমদূনা লৈজরিবা অঙাঙ অনী য়াওনা মরাল লৈজদবা, করিসু খঙজদবা মীচমশিং, কুকি টেরোরিষ্টশিংনা বোম, নোংমৈনচিংবা কাপশীন্দুনা তমথীনা হাত্তোকপিখিবা অদূগী জষ্টিস ফংহন্ননবা চিফ মিনিষ্টর য়ূম্নাম খেমচান্দনা হোৎনরম্বা তারবদি মহাকপু মনিপুরগী মীয়াম্না অথৌবা মিংথোল পীদুনা ঈকায় খুম্নরমগদবনি।মদূগী ওন্ন-তৈনবদা, লৈঙাক অসীবু লুচিংলিবা চিফ মিনিষ্টর অমদি বি জে পিগী মিনিষ্টর, এম এল এশিং না চত্থরিবা থবক-থৌরমশিং অসীদি মীয়াম্না খঞ্জরম্বা, আসা তৌরম্বশিংগী মায়োক্তনি, তায়োন্নবা ঙাক্তনি হায়না ঈমাগী মৈরা গী লুচিং পুরেল ওইরিবি সুজাতানা ফোংদোকখ্রে।
মনিপুরগী প্রজা মীয়াম্বু ঙাক -শেনবা ঙমদ্রবা চিফ মিনিষ্টর অমসুং মহাক্কি খোঙবূশিংনা খোংজোমদা চত্তুনা অথৌবশিংগী মিতমদা হৈ-লৈ কৎলিবা অসী অথৌবশিং অদূগী থৱায়না পেনবিবদি লায়রদনা মৱাফাও লৌরম্লোই হায়খি।মতূঙ তারকপা মতমদদি অথৌবশিংগী মফমদা লৈ কৎপা চৎপীগনু। মীহাৎ মীপূন মরক্তা মীয়ামগী মীকপ মীরাওখোলনা নিল্লক্লবা মতমসিদা মিলিটেন্ট অমফাওবা ফাগত্তুনা চৈরাক পীবা ঙমদ্রবা লৈঙাক লৈরুবগী করি ৱাহন্থোক লৈরিবগে হায়না সুজাতানা অকনবা ৱাফম ফোঙদোকখি।
চিফ মিনিষ্টরনা ঙম্মি মতাগুম মীয়ামগী অথীংবা থুগাইদুনা খোংজোমদা চৎলিবা অদূগুম্না মিলিটেন্টশিং তকখায়ননবা চঙশীনবিরবদি মীয়াম্না ঙমখৈ লৈতনা থাগৎনরমগদবনি হায়বা ৱাফম সুজাতানা ফোঙদোকখি।
You may also like
-
ঈশাগী লোল, ময়েক্তা মহৈ তম্বা য়ারবনিনা হীরম খূদীংদা চাওখৎপা ঙম্লগনি: সি এম
-
তেলিপতিদা লৈঙাক্কি অথোরিটিগা মীয়াম অনীগী মরক্তা মূক্নখ্রে
-
কম্বাইন্দ সেক্যুরিটি টিম্না খূৎলায় কয়ামরুম রিকোভর তৌখ্রে
-
য়োগগী থৌরমশিং মনিপুরদসু পাক-সন্না পাঙথোক্নখ্রে
-
লৈঙাক্না লম্বী শেম্বা মতমদা ফুটপাৎ শোয়দনা থমগদবনি:সুপ্রিম কোর্ট