মনিপুরদা য়াম্না অথূবা মতমগী মনুংদা মীয়ামগী মীহুৎশিংনা শেম্বা লৈঙাক অমা লাকপা য়াবগী ওইথোকপা লৈরে হায়না বি জে পিগী লংবাল এম এল এ কারাম শ্যাম্না ফোঙদোকখ্রে। ঙরাং মহাক্কি কেন্দ্রা মনূঙচন্না লৈরিবা লংথবাল কুঞ্জ মখা লৈকায়দা লৈবা ঐচ এস আর চনূ জুদো একাদেমিগী জুদো ট্রেনিং হোল অমা হাংদোকখিবা থৌরমদা অথোয়বা মীথূঙলেন ওইনা শরূক য়াখিবা এম এল এ অসিনা থৌরমগী সাইদলাইন্দা পাউমীশিংগা উনবদা ৱাফম অসী ফোঙদোকখিবনি।
হৌজিক মনিপুরদা মায়োক্নরিবা কনফ্লিক্ট অমদি উংখৎনবগী চাং অসি ক্রিটিকেল ষ্টেজ গী ৱাংমদা লৈখ্রে।মরম অদুনা অনৌবা পোপ্যুলর গভর্নমেন্ট অমা লাক্লবসু নত্রগা পি আর লৈঙাক অসী শাংদোরকপা তারবসু অথূবা মতমদা হৌজিক লৈরিবা উংখৎনবগী শক্তম অসী মহৌশাগী মতৌদা শান্তিগী ফীভম হঞ্জিলহনবা ঙম্লোই, মতম খরা হেন্না চঙখিগনি হায়না মহাক্কি ওইবা পূক্নীঙগী অচেৎপা থাজবশিং ফোঙদোকখি। য়ানদ্রিবা কাঙলূপ অনীগী মরক্তা ৱাখল তামিন্নরগা ৱারোয়শিন অমা পুরক্ট্রিবা ফাওবা অতোপ্পা মীওইশিংনা লমদমসিদা মহৌশাগী শক্তম হঞ্জিলহনবা ঙমখিরোই হায়খি।
ঐচ এস আর জুদো একাদেমি অসীবু চল্লাইরিবী ইন্টর্নেস্নেল জুদো প্লেয়র ওইনাম রাসেশ্বরিনা লমদমসিদা জুদো মশান্না চাওখৎনবা হোৎনরক্লিবা কয়া অসী থাগৎলি।মহাক্না জুদো মশান্না প্রমোৎ তৌনবা অমসুং নহা ওইরিবা মীওই কয়াবু তাকপী-তম্বিদুনা পোজিটিব ওইবা পুন্সি লম্বীদা পুরক্নবা হোৎনরিবসি তমজনিঙায়নি হায়খি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি