মনিপুর স্পোর্টস ক্লাইম্বিং এসোসিয়েসন লিংখৎখিবগী গী ১০ শুবা মপোক কুমওন থৌরম ঙরাং পাঙথোকখিবগা লোয়ননা টেলেন্ট হন্টকি প্রোগ্ৰাম অমসু পাঙথোকখ্রে।
ইম্ফাল ইষ্ট দিষ্ট্রিক্টকি মনূঙচন্না কংলা রোক ৱালদা লৈরিবা গ্ৰাউন্দা পাঙথোকখিবা এসোসিয়েসন অসিগী ১০ শুবা মপোক কুম্মোন থৌরম অদূদা মনিপুর ওলেম্পিক এসোসিএসনগী প্রেসিদেন্ট সুনিল এলাংবমনা অথোয়বা মীথূঙলেন ওইনা শরূক য়ারদুনা ৱা ঙাঙখি। মনিপুর স্পোর্টস ক্লাইম্বিং এসোসিয়েসনগী ফাউন্দর প্রসিদেন্ট ফূরাইলাৎপম চন্দ্রকুমার শর্ম্মানা অখন্নবা মীথূঙ অমসুং এসোসিয়েসন অসিগী প্রসিদেন্ট ওইনা হৌজিক থৌ পুরিবা সোয়বম ইনাকখুনবনা থৌরমগী মপূ ওইনা শরুক য়াখি।
থৌরম অদূগা মরী লৈননা স্পোর্টস ক্লাইম্বিং গী হীরমদা নেস্নেল এৱার্দ ফংলকখ্রবা অমসুং ইন্টর্নেস্নেলগী থাক্তা জজ অমসু ওইরিবা দা. কে রোমিও মৈটৈদা ঈকায়খুম্নবা উত্তুনা অচম্বা খূদোলপোৎ তম্বগী থৌরম অমসু পাঙথোকখি।
থৌরম অদূগী মনূঙ চন্না টেলেন্ট হন্টকি প্রোগ্ৰাম পাঙথোকখিবা অদূদা তোঙান তোঙানবা স্কুল অমসুং কোল্লেজশিংদগী লাকপা ক্লাইম্বর ২০০ রোম্না শরূক য়াখি।
