চিফ মিনিষ্টর য়ূম্নাম খেমচান্দনা চ্যের লৌদুনা থা অসীগী ১৬ তা পাঙথোকখিবা ষ্টেট কেবিনেট মীফম অমনা, মতম শাংনা পাঙথোক্তনা লাক্লিবা মনিপুর তম্পাক্কি দিষ্ট্রিক্ট ৫ দা পাঙথোক্কদবা পঞ্চায়ৎ মীখল অদূ চৎলিবা কুমশিং ২০২৬ কি ওক্টোবর অমদা পাঙথোক্লগনি হায়না ৱারেপ লৌখ্রে। হন্দক পাঙথোক্কদৌরিবা মীখল অসীনা পঞ্চায়ৎকি ৬ শুবা জেনরেল ইলেক্সন নি। হীরম অসীগী মতাঙদা ষ্টেট লৈঙাক্কি রুরেল দিভেলপমেন্ট এন্ড পঞ্চায়েট্টি রাজ দিপার্টমেন্টগী কম্মিস্নার সুমন সিংহনা নোটিফিকেসন অমা থোকখ্রে।
নোটিফিকেসন অদূগী ৱাফম মতূঙ ইন্না, চহী অসীগী আগষ্ট ২১ দা চৎনবীগী মতূঙ ইন্না পঞ্চায়ৎ মীখল অসীগী নোটিফিকেসন থোক্লগনি। মীরেপ-চে পীশীনবগী অরোয়বা মতম আগষ্ট ২৮ নি । মথঙগী নুমিৎ, আগষ্ট ২৯ দনা স্ক্রুটিনি তৌরবা মতূঙদা মীরেপচে লৌথোকপগী অরোয়বা মতমদি সেপ্তেম্বর ১ ওইগনি হায়রি।
মীখল অসী ওক্টোবর অমদা পাঙথোক্লবা মতূঙদা রিপোলগী মথৌ তারক্লবসু ওক্টোবর ৫ দা ওইনা পাঙথোক্লবা মতূঙদা থা অদূগী ৮ দা ভোৎ মশীং থীগনি হায়না ফোঙদোকখি। হৌখিবা কুমশিং ২০২২ দা মতম লোইখ্রবা পঞ্চায়ৎ কি টার্ম অদূ মখাতাবা টার্মগী থৌ পুগদবশিং খন্ননবা মীখল পাঙথোকপা ঙমদনা হৌজিক ফাওবা লৈরকখিবনি মীখল অসী মনিপুর তম্পাক্কি দিষ্ট্রিক্ট ৫ দা পাঙথোক্কদবনি।
You may also like
-
কোন্সাখুলগী নহা অহুম সেক্যুরিটি ফোর্সনা ফাগৎখ্রে, অশোকপা কুকি অহুম রিম্সতগী পুথোকখ্রে
-
জূন ১৯ দগী লাইনীংথৌ-লাইরেম্বী মঙাগী হরাওবা থৌরম পাঙথোক্লগনি: সুসিন্দ্রো
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি