নেস্নেল ট্যুবরকুলোসিস (টি বি) ইলিমিনেসন প্রোগ্ৰামগী মনূঙ চন্না দিষ্ট্রিক্ট হেল্থ সোসাইটি থৌবাল অমসুং দিষ্ট্রিক্ট টি বি কন্ট্রোল য়ুনিট থৌবাল না খূৎশম্নরগা নোংপোক সেকমাই প্রাইমারি হেল্থ সেন্টর অমদি লিসম্লোক বেপ্তিষ্ট চর্চ তা টি বি লায়নাবু মরূ ফংনা মূত্থৎনবা পান্দমদা সেন্সিটাইজেসন প্রোগ্ৰামশিং পাঙথোকখ্রে।
থৌরমশিং অদুদা, মীয়ামদা পাক-সন্না টি বি লায়নাগী মরমদা পাউজেল পীদুনা ৱাখল তাহন্নবা আই ই সি মেটরিয়েলশিং য়েন্থোকখি। দিষ্ট্রিক্ট টি বি ওফিসার থৌবাল দা. ৱাই সামিন অমসুং দিষ্ট্রিক্ট টি বি কোর্দিনেটর টি ঐচ ষ্টেফী না লায়না অসীগী মরমদা রিসোর্স পার্সন শিং ওইনা ৱাফম কয়া ফোঙদোকখি।
