সেন্টর অমসুং মনিপুর লৈঙাক্কি মায়কৈদগী লমদমসিগী লৌমীশিংদা পীরিবা য়াইফা থৌরাংশিং অমসুং তোঙান তোঙানবা স্কিমশিংগী মরমদা লৌমীশিংদা ৱাখল তাহন্নবা পান্দমদা থা অসীগী ১২ দা বিষ্ণুপুর দিষ্ট্রিক্ট কি থাঙ্গ কেন্দ্রগী মনূঙচন্না লৈরিবা মোইরাং খূন্নৌদা এৱের্নেস প্রোগ্রাম অমা পাঙথোকখ্রে।
ভিক্সিট ক্রিষি সঙ্কল্প আভিয়ানগী মখাদা হৌখিবা মে ২৯ দগী লৈবাক অসীগী মফমশিং শীন্থুংনা চত্থরকপা প্রোগ্রাম শিংগী মনূঙচন্না প্রোগ্রাম অদূ পাঙথোকখিবনি। মোইরাং খূন্নৌ গ্ৰাম পঞ্চায়েটকি এদমিনিষ্ট্রেটিব কম্মিটিগী চ্যেরমেন এল ধনেস্বর, কে ভি কে বিষ্ণুপুর গী হোর্টিকলচরগী এস এম এস দা. পি বিজয়া, আই সি এ আর মনিপুর সেন্টর লম্ফেলগী সেনিয়র সাইন্টিষ্ট দা. টি বসন্ত, এগ্ৰিকলচর এক্স টেন্সন ওফিসার দা. এ টারাজিৎ অমসুং অতৈ এক্সপর্টশিং এৱের্নেস প্রোগ্রাম অদুদা শরুক য়াদূনা ৱাফম কয়ামরুম ফোঙদোক্তুনা লৌমীশিং ৱাখল তাহনখি।
মতমগা চূনবা ইক্বিপমেন্ট, মরূ-মরাঙ অমসুং মতমগা চানরবা অনৌবা লৌঊ পথাপশিং শীজিন্ননবা লৈঙাক্না লৌমীশিংদা পীরিবা স্কিম কয়া অদূগী খুদোংচাবশিং মতম চানা লৌমীশিংনা ফংননবা হোৎনগদবনি হায়না এক্সপর্ট শিংনা ফোঙদোকখি।