নেস্নেল হায়দ্রোইলেক্ট্রিক পৱার কোর্পোরেসন (এন ঐচ পি সি) অমসুং মনিপুর লৈঙাক অনীনা পূন্না পায়খৎমিন্নদুনা লাকখিবা লোক্তাক দাউনষ্ট্রিম পৱার প্রোজেক্ট মূত্থৎনবা জুলাই ২৯ দা ফমখিবা মনিপুর লৈঙাক্কি কেবিনেট মীফম্না ৱারেপ লৌখ্রে। মৈ মেগাৱাৎ ৬৬ পুথোক্নবা পান্দমদা প্রোজেক্ত অসী পায়খত্তুনা লাকখিবনি। মনিপুরদা মৈ ৱাৎপগী খুদোংচাদবা কয়া মায়োক্নরিবা অসী কোকহন্ননবা ষ্টেট লৈঙাক্না অতোপ্পা ছোর্সতগী মৈ লৈনবগী অনৌবা থৌরাং তৌবা হৌখ্রে।
খোঙথাঙ অসীগী মখাদা নেস্নেল থর্মেল পৱার কোর্পোরেসন না ৱেষ্ট বেঙ্গলগী মুর্সিদাবাদ দিষ্ট্রিক্ট তা পায়খত্তুনা, হৌজিক মপূঙ ফানা চল্লাইরিবা ফারাকা সুপর থর্মেল পৱার প্লান্ট তগী মৈ মেগাৱাট ১০০ লৈরগা শীজীন্ননবা কেবিনেটনা ৱারেপ লৌখিবনি। মসীগীসু মথক্তা লৈঙাক অসীনা হীমাচল প্রদেশকী সিমলাদা লৈরিবা সটলুজ জল ভৈদ্যুট নিগম লিমিটেদ তগী অতোপ্পা মৈ মেগাৱাট ৫০ সু লৈননবা কেবিনেট মীফম অদুদা ৱারেপ লৌখি।
মতমদুদা মৈ হূরান্দুনা, আইন কায়বা মওংদা মৈ থানবা মীওইশিংনা মীয়ামদা থোকহল্লিবা খুদোংচাদবশিং অসিদগী ঙাকথোক্তুনা, মৈ লোন্না থানবা থিংননবা মখল-মখা কয়াগী থৌশিল পায়খৎনবগী মতাঙদসু কেবিনেট মীফম অদুদা কূপ্না খন্ন-নৈনখি হায়রি।
You may also like
-
দ্রগ চাবা, কাপ্পা মীওই ১২ সিটি পুলিসনা লৌখৎখ্রে
-
চিফ মিনিষ্টরনা রাকেশকি ঈমূঙগী মীওইশিং উনদুনা অৱাবদা শরূক য়াখ্রে
-
খোংবান সুনুলোককি মীহাৎ য়ানিংদবা উত্তুনা ৱাকৎ মীফমশিং পাঙথোক্নখ্রে
-
আইন কায়না লম্বী শেমজীল্লক্লে, লৈঙাক্না থিংবিয়ু: ওর্গানাইজেসন
-
মনিপুর কন্সি হায়রবদি হৌজিকসু মতম লৈরি, লৈঙাকলোয়শিং চোংথোকপিরক উ: তোম্বা