ঙরাং অয়ূক নোনে দিষ্ট্রিক্টকি মনূঙ চনবা বিটিয়াং ভিল্লেজদা খুল ঙাকপা নাগা ভল্লন্টিয়ারশিং অমদি জেৎ য়ূ এফ অনীগী মরক্তা য়াম্না কন্না নোংমৈ কাপ্নদুনা খূৎ থোক্নখ্রে হায়রি। মাওদগী নাগা ফূরূপকি মীওই অনীনা কুকিশিংদা চানা-থক্নবা পোৎলমশিং পীরম্বগীদমক নাগা ভল্লন্টিয়ারশিংনা মীওই অনীদু ফারবা মতূঙদা ফূধখ্রেসু হায়রি।
নাগা ভল্লন্টিয়ারশিং অমসুং জেৎ য়ূ এফ কি মরক্তা খূৎ থোক্নখিবা অদুনা মরম ওইরগা মফম অদূগী খুঞ্জাশিং মিপাইরদুনা লাঞ্জেন্নখ্রে। থৌদোক অদুদা মীশী-মীনা, অশোক-অপন য়াওখিব্রা হায়বগী মতাঙদদি হৌজিক ফাওবদা পাউ ফংবা লৈত্রি। হৌজিক কুকি অমসুং নাগা কম্যুনিটি অনীগী মরক্তা লৈরিবা উংখৎনবা অসীগী মরক্তা নোংমৈ কাপ্নদুনা খূৎ থোক্নখিবা অদূ রোংমৈ নাগা লুফূআম মনিপুরনা অকনবা মওংদা কন্দেম তৌরক্লি।
লূপ অসীনা চেরোল অমদা হায়, জেৎ য়ূ এফ (জে) না জেলিয়াংরোং ফূরূপ ঙাক শেল্লিবনি হায়না মশানা ফোঙদোকচরবসু মশাগী ফূরূপকি মীয়ামদা ওন্সীন্দুনা নোংমৈ কাপশীনবা অসী অকনবা মওংদা য়ানিংদে।
জেলিয়াংরোংগী মীয়াম অসী হৌজিক এক্সটর্নেল থ্রেট অমদি লমখৈগী মতাংদা শীঙনবা কয়া অমা মায়োক্নরিবনি। অসীগুম্বা তাঞ্জাসিদা নাগা ফূরূপকি মীয়ামদা ওন্সীন্দুনা খূৎ থারকপা অসী অকনবা মওংদা কন্দেম তৌই হায়রি।
You may also like
-
সাহাম্ফুং -কামজোং ফাওনরিবা বেল্লি ব্রিজ শকখঙদবশিংনা বোম কাপশীন্দুনা থুগাইরম্লে
-
কংগ্ৰেস অমসুং বি জে পি অনীনা অমনা অমগী মায়োক্তা প্রোটেষ্ট তৌনরি
-
নূংবা কম্যুনিটি হেল্থ সেন্টরদা মৈ ফংদবদগী অঙাঙ উনবগী থবক্তা দাক্তরনা টোর্চ লাইট শীজীন্নরি: পুয়া
-
মনিপুরদা শান্তি পুরক্নবা হোৎনবদা মপাঙ্গল কানখ্রে, হাত্যারগা লোইননা মিলিটেন্ত ৪৬ লানথাখ্রে
-
মীতোপ্না শুরিবা থবকশিং ঐখোয়না মহুৎ শিল্লবা মতমদা চাওখৎপা -নুঙাইবা পুরক্কদবনি: মশেল